MFASHA DUSENGERE ABARABU BO MURI IRAKI

“Ibisarurwa ni byinshi, ariko abasaruzi ni bake. Nuko rero mwinginge nyir’ibisarurwa, yohereze abasaruzi mu bisarurwa bye.” (Mat.9:37-38)

Mu rwego rwo kwifatanya n’abantu benshi hirya no hino ku isi mu gusengera amoko ataragerwaho n’Ubutumwa Bwiza, mfasha kuri uyu wa kane tariki ya 04 Gicurasi 2017 dusengere Abarabu bo muri Iraki.

Abarabu muri Iraki babarirwa muri 14.921.000, bakaba bagize 70% by’abaturage bose. Benshi muri bo ni Abayisilamu b’Abashiyiti. Abakristo babarimo ni mbarwa. Bivugwa ko intumwa Toma ariwe waba yaragejeje Ubutumwa Bwiza muri Mezopotamiya, aho Iraki y’ubu ibarizwa. Bityo nubwo higanje idini ya Isilamu, ubukristo bwaba bwarahageze mu kinyejana cya mbere.

INZITIZI

Iraki yugarijwe n’intambara , cyane irimo kuyogozwa n’umutwe ushingiye ku mahame y’ubuhezanguni wa Kiyisilamu (ISI). Bityo ntibyoroheye Abanya-iraki kubona uburyo bwo kugezwaho inkuru nziza ya Yesu Kristo.

IBYIFUZO BYO GUSENGERA

• Abakristo bake b’Abarabu bahabwa imbaraga zo guhamiriza benewabo, kandi bo n’imiryango yabo bakarindwa iyicarubozo bakorerwa n’imitwe y’abahezanguni b’Abayisilamu.
• Umwuka Wera agenderera imitima yabo, kugira ngo bahishurirwe Kristo.

IJAMBO RY’UMUNSI

“Hahirwa ishyanga rifite Uwiteka ho Imana yaryo, Ubwoko yitoranirije kuba umwandu we.” (Zaburi 33:12)

Ushobora gusangira aya makuru n’inshuti zawe wifashishije imbuga nkoranyambaga nka www. facebook.com, cyangwa se ubundi buryo bukoroheye, kwigomwa umwanya naho waba ari muto ukazirikana abatarumva Ubutumwa Bwiza mu buryo bw’isengesho ni iby’igiciro cyane mu maso y’Imana. Imana iguhe umugisha!

Ku babasha kumva ururimi rw’Icyongereza mushobora gukurikira gahunda ya buri munsi yo gusengera amoko atarumva Ubutumwa Bwiza kuri http://www.unreachedoftheday.org/ cyangwa http://www.cornerstonenc.org/unreached-of-the-day/

Ange Victor UWIMANA
[email protected]
(+250)788552883/ (+250)725151463