MFASHA DUSENGERE ABANGUKU BO MU BUSHINWA


“Ibisarurwa ni byinshi, ariko abasaruzi ni bake. Nuko rero mwinginge nyir’ibisarurwa, yohereze abasaruzi mu bisarurwa bye.” (Mat.9:37-38)

Mu rwego rwo kwifatanya n’abantu benshi hirya no hino ku isi mu gusengera amoko ataragerwaho n’Ubutumwa Bwiza, mfasha kuri uyu wa gatatu tariki ya 28 kamena 2017 dusengere Abanguku bo mu Bushinwa.

Mu Bushinwa habarirwa abagera ku 8.000, aba bakaba ari abayoboke b’idini ya Budizimi. Abagore bo muri ubu bwoko bazwiho kwirabuza amenyo, ibi bikaba bifatwa nk’ibibongerera ubwiza.

Nta gitabo na kimwe cya Bibiliya cyangwa indi mfashanyigisho ya Gikristo yari yashyirwa mu rurimi bavuga.

INZITIZI

Imitekerereze bavana mu nyigisho za Budizimi ihabanye cyane n’inyigisho za Bibiliya.

IBYIFUZO BYO GUSENGERA

• Imana ihagurutsa abizera hirya no hino ku isi (cyane cyane baturutse mu matorero yo mu Bushinwa ) ku bashyira inkuru nziza.
• Umwuka Wera agenderera imitima yabo, kugira ngo bahishurirwe Kristo uwo ari we.
• Ko haboneka Bibiliya yuzuye ndetse n’imfashanyigisho za Gikristo mu rurimi bavuga.

IJAMBO RY’UMUNSI

“Hahirwa ishyanga rifite Uwiteka ho Imana yaryo, Ubwoko yitoranirije kuba umwandu we.” ( Zaburi 33:12)

Ushobora gusangira aya makuru n’inshuti zawe wifashishije imbuga nkoranyambaga nka www. facebook.com, cyangwa se ubundi buryo bukoroheye, kwigomwa umwanya naho waba ari muto ukazirikana abatarumva Ubutumwa Bwiza mu buryo bw’isengesho ni iby’igiciro cyane mu maso y’Imana. Imana iguhe umugisha!

Ku babasha kumva ururimi rw’Icyongereza mushobora gukurikira gahunda ya buri munsi yo gusengera amoko atarumva Ubutumwa Bwiza kuri http://www.unreachedoftheday.org/ cyangwa http://www.cornerstonenc.org/unreached-of-the-day/

Ange Victor UWIMANA
[email protected]
(+250)788552883/ (+250)725151463