MFASHA DUSENGERE ABANEPALI BO MURI BIRIMANIYA

“Ibisarurwa ni byinshi, ariko abasaruzi ni bake. Nuko rero mwinginge nyir’ibisarurwa, yohereze abasaruzi mu bisarurwa bye.” (Mat.9:37-38)

Mu rwego rwo kwifatanya n’abantu benshi hirya no hino ku isi mu gusengera amoko ataragerwaho n’Ubutumwa Bwiza, mfasha kuri uyu wa gatatu tariki ya 10 Gicurasi 2017 dusengere Abanepali bo muri Birimaniya (Aziya).

Muri Birimaniya, habarurwa Abanepali 297,000; abasaga ibihumbi 400.000 bakaba batuye mu bihugu byegeranye na BirimaniyaAbanepali benshi bakomoka ku babyeyi bo mu gihugu cya Nepali, bakaba barahunze igihugu cyabo mu myaka y’1950 nyuma y’impinduka mu butegetsi zari zimaze kubaho. Benshi muri bo ni abantu bakorera ubuhinzi mu misozi ihanamye. Basengaimana nyinshi; bakizera ko habaho abazimu ndetse n’abadayimoni. Bityo bashishikarira gutamba ibitambo byinshi kugira ngo bacubye abazimu n’abadayimoni batabateza ibyago.

Idini yiganje ni iya Hinduyisimi, Abakristo ni bake cyane. Bibiliya yose ndetse na zimwe mu mfashanyigisho za Gikristo zamaze guhindurwa mu rurimi bavuga.

IBYIFUZO BYO GUSENGERA

• Imana ihagurutse Abakristo cyane cyane baturuka mu matorero yo Buhinde bajyane Ubutumwa Bwiza mu Banepali.
• Umwuka Wera agenderera imitima yabo, kugira ngo bahishurirwe Kristo; ndetse anabatere ishyaka ryo gusoma Bibiliya mu ndimi bavuga.

IJAMBO RY’UMUNSI

“Uwiteka, nzagushimira mu moko, Nzakuririmbira ishimwe mu mahanga.” ( Zaburi 108:3)

Ushobora gusangira aya makuru n’inshuti zawe wifashishije imbuga nkoranyambaga nka www. facebook.com, cyangwa se ubundi buryo bukoroheye, kwigomwa umwanya naho waba ari muto ukazirikana abatarumva Ubutumwa Bwiza mu buryo bw’isengesho ni iby’igiciro cyane mu maso y’Imana. Imana iguhe umugisha!

Ku babasha kumva ururimi rw’Icyongereza mushobora gukurikira gahunda ya buri munsi yo gusengera amoko atarumva Ubutumwa Bwiza kuri http://www.unreachedoftheday.org/ cyangwa http://www.cornerstonenc.org/unreached-of-the-day/

Ange Victor UWIMANA
[email protected]
(+250)788552883/ (+250)725151463