MFASHA DUSENGERE ABAMUSHUNGULI BO MU SOMALIYA

“Ibisarurwa ni byinshi, ariko abasaruzi ni bake. Nuko rero mwinginge nyir’ibisarurwa, yohereze abasaruzi mu bisarurwa bye.” (Mat.9:37-38)

Mu rwego rwo kwifatanya n’abantu benshi hirya no hino ku isi mu gusengera amoko ataragerwaho n’Ubutumwa Bwiza, mfasha kuri uyu wa gatatu tariki ya 18 Nyakanga 2017 dusengere Abamushunguli bo mu Somaliya.

Mu Somaliya habarirwa abagera ku 31.000, aba bakaba ari abayoboke b’idini ya isilamu. Ururimi rukoreshwa ni Mushungulu

Nta gitabo na kimwe cya Bibiliya cyangwa indi mfashanyigisho ya Gikristo yari yashyirwa mu rurimi bavuga.

INZITIZI

Somaliya ni ahantu hagoye no gukorera ku bakirisitu bikagira ingaruka no ku butumwa bwiza bavuga

IBYIFUZO BYO GUSENGERA

• Imana ihagurutsa abizera hirya no hino ku isi (cyane cyane baturutse mu matorero yo muri Afurika ) ku bashyira inkuru nziza.
• Umwuka Wera agenderera imitima yabo, kugira ngo bahishurirwe Kristo uwo ari we.
• Ko haboneka Bibiliya yuzuye ndetse n’imfashanyigisho za Gikristo mu rurimi bavuga.

IJAMBO RY’UMUNSI

“Nzagushimisha umutima utunganye nimara kwiga amateka yawe yo gukiranuka.” ( Zaburi 119:7)

Ushobora gusangira aya makuru n’inshuti zawe wifashishije imbuga nkoranyambaga nka www. facebook.com, cyangwa se ubundi buryo bukoroheye, kwigomwa umwanya naho waba ari muto ukazirikana abatarumva Ubutumwa Bwiza mu buryo bw’isengesho ni iby’igiciro cyane mu maso y’Imana. Imana iguhe umugisha!

Ku babasha kumva ururimi rw’Icyongereza mushobora gukurikira gahunda ya buri munsi yo gusengera amoko atarumva Ubutumwa Bwiza kuri http://www.unreachedoftheday.org/ cyangwa http://www.cornerstonenc.org/unreached-of-the-day/
[email protected]