MFASHA DUSENGERE ABAMAHURATA BO MU BUHINDI

“Ibisarurwa ni byinshi, ariko abasaruzi ni bake. Nuko rero mwinginge nyir’ibisarurwa, yohereze abasaruzi mu bisarurwa bye.” (Mat.9:37-38)

Mu rwego rwo kwifatanya n’abantu benshi hirya no hino ku isi mu gusengera amoko ataragerwaho n’Ubutumwa Bwiza, mfasha kuri uyu wa mbere tariki ya 28 kanama 2017 dusengere Abamahurata bo mu Buhindi.

Mu Buhindi habarurwa abagera kuri 32.242.000, ndetse bisa naho bitoroshye kugira ahandi wabasanga ku isi. Kuri bo inka ifatwa nk’ikintu cyejejwe, dore ko bizera ko mu gifu cyayo hatuyemo imana zigera kuri miliyoni 30.

Hafi ya bose ni abayoboke b’idini ya Hinduyisimi. Gusa Bibiliya n’izindi mfashanyigisho za Gikristo byamaze guhindurwa mu rurimi bavuga.

INZITIZI

Kuba baracengewe n’inyigisho za Hinduyisimi bibabera inzitizi yo kuba bakwakira byihuse Ubutumwa bwiza.

IBYIFUZO BYO GUSENGERA

- Imana ihagurutsa abizera hirya no hino ku isi (cyane cyane baturutse mu matorero yo muri Buhindi ) ku bashyira inkuru nziza.
- Umwuka Wera agenderera imitima yabo, kugira ngo bahishurirwe Kristo uwo ari we.
- Bagira umwete wo gusoma ibyanditswe byera .

IJAMBO RY’UMUNSI

“Azababarira uworoheje n’umukene, Ubugingo bw’abakene azabukiza.” ( Zaburi 72:13)
Ushobora gusangira aya makuru n’inshuti zawe wifashishije imbuga nkoranyambaga nka www. facebook.com, cyangwa se ubundi buryo bukoroheye, kwigomwa umwanya naho waba ari muto ukazirikana abatarumva Ubutumwa Bwiza mu buryo bw’isengesho ni iby’igiciro cyane mu maso y’Imana. Imana iguhe umugisha!

Ku babasha kumva ururimi rw’Icyongereza mushobora gukurikira gahunda ya buri munsi yo gusengera amoko atarumva Ubutumwa Bwiza kuri http://www.unreachedoftheday.org/ cyangwa http://www.cornerstonenc.org/unreached-of-the-day/

Ange Victor UWIMANA
[email protected]
(+250)788552883/ (+250)725151463