MFASHA DUSENGERE ABAMACAYI BO MU BUHINDE

“Ibisarurwa ni byinshi, ariko abasaruzi ni bake. Nuko rero mwinginge nyir’ibisarurwa, yohereze abasaruzi mu bisarurwa bye.” (Mat.9:37-38)

Mu rwego rwo kwifatanya n’abantu benshi hirya no hino ku isi mu gusengera amoko ataragerwaho n’Ubutumwa Bwiza, mfasha kuri uyu wa kane tariki ya 11 Gicurasi 2017 dusengere Abamacayi bo mu Buhindi (Aziya).

Muri Buhindi, habarurwa Abamacayi 787.000, urebye bisa naho ari cyo gihugu cyonyine babarizwamo. Aba bitungirwa akenshi n’uburobyi. Bakunda gukora ubukwe bakiri bato, gusa iyo umugabo apfuye, umugore wa nyakwigenera ahabwa 12% by’umutungo bari bafite, ibisigaye bigasaranganywa abana be b’abahungu.Bashyigikira ko abana bose abahungu n’abakobwa bitabira amashuri.

NubwoBibiliya yose ndetse na zimwe mu mfashanyigisho za Gikristo zamaze guhindurwa mu rurimi bavuga (Gujarati); nta Mukristo uzwi ubarizwa muri ubu bwoko. Idini yiganje ni iya Hinduyisimi.

INZITIZI KU IVUGABUTUMWA

Kubera imyumvire yo gusenga imana nyinshi baba barakuriyemo, kuri bo biragoye gushyikira ko habaho Imana imwe rukumbi yaremye ijuru n’isi.

IBYIFUZO BYO GUSENGERA

• Imana ihagurutse Abakristo cyane cyane baturuka mu matorero yo mu Buhinde bajyane Ubutumwa Bwiza mu Bamacayi.
• Umwuka Wera agenderera imitima yabo, kugira ngo bahishurirwe Kristo; ndetse anabatere ishyaka ryo gusoma Bibiliya mu rurimi bavuga.

IJAMBO RY’UMUNSI

“Erega ibirenge by’uzanye inkuru nziza ni byiza ku misozi, akamamaza iby’amahoro akazana inkuru z’ibyiza, akamamaza iby’agakiza akabwira i Siyoni ati “Imana yawe iri ku ngoma!.” (Yesaya 52:7)

Ushobora gusangira aya makuru n’inshuti zawe wifashishije imbuga nkoranyambaga nka www. facebook.com, cyangwa se ubundi buryo bukoroheye, kwigomwa umwanya naho waba ari muto ukazirikana abatarumva Ubutumwa Bwiza mu buryo bw’isengesho ni iby’igiciro cyane mu maso y’Imana. Imana iguhe umugisha!

Ku babasha kumva ururimi rw’Icyongereza mushobora gukurikira gahunda ya buri munsi yo gusengera amoko atarumva Ubutumwa Bwiza kuri http://www.unreachedoftheday.org/ cyangwa http://www.cornerstonenc.org/unreached-of-the-day/

Ange Victor UWIMANA
[email protected]
(+250)788552883/ (+250)725151463