MFASHA DUSENGERE ABALAMPUNGI BO MURI INDONEZIYA

“Ibisarurwa ni byinshi, ariko abasaruzi ni bake. Nuko rero mwinginge nyir’ibisarurwa, yohereze abasaruzi mu bisarurwa bye.” (Mat.9:37-38)

Mu rwego rwo kwifatanya n’abantu benshi hirya no hino ku isi mu gusengera amoko ataragerwaho n’Ubutumwa Bwiza, mfasha kuri uyu wa kabiri tariki ya 06 kamena 2017 dusengere Abalampungi bo muri Indoneziya (Aziya).

Abalampungi bisa naho babarizwa gusa muri Indoneziya, ahatuye abagera ku 548.000. Hejuru ya 90% ni Abayisilamu b’Abasuni. Nubwo babaho mu buzima bworoheje, ariko bakunda icyubahiro no kuratwa. Aba usanga badatinya gukoresha akayabo k’amafaranga mu bintu bijyanye no kwinezeza ( urugero: iminsi mikuru).
Isezerano Rishya ndetse na zimwe mu mfashanyigisho za Gikristo byamaze guhindurwa mu rurimi bavuga.

INZITIZI

Bitewe n’ibyo babamo ndetse n’inyigisho bahawe, biragoye kugira ngo imyumvire yabo ishyikire ibijyanye n’umurimo Yesu Kristo yakoreye ku musaraba.

IBYIFUZO BYO GUSENGERA

• Imana ihagurutse Abakristo bo hirya no hino ku isi kujyana Ubutumwa Bwiza mu Balampungi.
• Haboneka Bibiliya yuzuye mu rurimi rwabo.

• Umwuka Wera agenderera imitima yabo, kugira ngo bahishurirwe Kristo; ndetse n’ishyaka ryo kumva ubutumwa bwiza mu buryo bw’amajwi bwamaze guhindurwa mu rurimi rwabo.

IJAMBO RY’UMUNSI

“Ibisarurwa ni byinshi, ariko abasaruzi ni bake. Nuko rero mwinginge nyir’ibisarurwa, yohereze abasaruzi mu bisarurwa bye.” (Mat.9:37-38)

Ushobora gusangira aya makuru n’inshuti zawe wifashishije imbuga nkoranyambaga nka www. facebook.com, cyangwa se ubundi buryo bukoroheye, kwigomwa umwanya naho waba ari muto ukazirikana abatarumva Ubutumwa Bwiza mu buryo bw’isengesho ni iby’igiciro cyane mu maso y’Imana. Imana iguhe umugisha!

Ku babasha kumva ururimi rw’Icyongereza mushobora gukurikira gahunda ya buri munsi yo gusengera amoko atarumva Ubutumwa Bwiza kuri http://www.unreachedoftheday.org/ cyangwa http://www.cornerstonenc.org/unreached-of-the-day/

Ange Victor UWIMANA
[email protected]
(+250)788552883/ (+250)725151463