MFASHA DUSENGERE ABAKOLO BO MURI INDIYA

“Ibisarurwa ni byinshi, ariko abasaruzi ni bake. Nuko rero mwinginge nyir’ibisarurwa, yohereze abasaruzi mu bisarurwa bye.” (Mat.9:37-38)

Mu rwego rwo kwifatanya n’abantu benshi hirya no hino ku isi mu gusengera amoko ataragerwaho n’Ubutumwa Bwiza, mfasha kuri uyu wa mbere tariki ya 12 kamena 2017 dusengere Abakolo bo mu Buhindi.

Mu Buhindi, habarurwa abagera kuri 2.273.000 , naho abandi basaga gato 2.000 bibera mu bindi bihugu. Bibiliya yose ndetse na zimwe mu mfashanyigisho za Gikristo byamaze guhindurwa mu rurimi bakoresha rw’Igihindi. Idini ryiganje ni iry’Abahindu.

INZITIZI

Kuba Abakolo basenga imana nyinshi bishobora kubabera inzitizi mu kwakira Ubutumwa Bwiza.

IBYIFUZO BYO GUSENGERA

• Imana ihagurutse Abakristo bo hirya no hino ku isi kujyana Ubutumwa Bwiza mu Bakolo.
• Bake mu Bakolo b’Abakristo buzuzwa imbaraga z’Umwuka Wera kugira ngo babashe guhamya ibya Yesu Kristo muri bene wabo.
• Umwuka Wera agenderera imitima yabo, kugira ngo bahishurirwe Kristo; ndetse n’ishyaka ryo gusoma Bibiliya no kumva ubutumwa bwiza mu buryo bw’amajwi n’amashusho byamaze guhindurwa mu rurimi rwabo.

IJAMBO RY’UMUNSI

“Ibisarurwa ni byinshi, ariko abasaruzi ni bake. Nuko rero mwinginge nyir’ibisarurwa, yohereze abasaruzi mu bisarurwa bye.” (Mat.9:37-38)

Ushobora gusangira aya makuru n’inshuti zawe wifashishije imbuga nkoranyambaga nka www. facebook.com, cyangwa se ubundi buryo bukoroheye, kwigomwa umwanya naho waba ari muto ukazirikana abatarumva Ubutumwa Bwiza mu buryo bw’isengesho ni iby’igiciro cyane mu maso y’Imana. Imana iguhe umugisha!

Ku babasha kumva ururimi rw’Icyongereza mushobora gukurikira gahunda ya buri munsi yo gusengera amoko atarumva Ubutumwa Bwiza kuri http://www.unreachedoftheday.org/ cyangwa http://www.cornerstonenc.org/unreached-of-the-day/

Ange Victor UWIMANA
[email protected]
(+250)788552883/ (+250)725151463