MFASHA DUSENGERE ABAKERENSI BO MURI INDONEZIYA

“Ibisarurwa ni byinshi, ariko abasaruzi ni bake. Nuko rero mwinginge nyir’ibisarurwa, yohereze abasaruzi mu bisarurwa bye.” (Mat.9:37-38)

Mu rwego rwo kwifatanya n’abantu benshi hirya no hino ku isi mu gusengera amoko ataragerwaho n’Ubutumwa Bwiza, mfasha kuri uyu wa mbere tariki ya 26 kamena 2017 dusengere Abakerinsi bo muri Indoneziya.

Muri Indoneziya habarurwa abagera ku 328.000, benshi muri bo ni Abayisilamu. Nubwo usanga bamwe muri bagikurikiza imigenzo gakondo. Nta gitabo na kimwe cya Bibiliya cyangwa indi mfashanyigisho ya Gikristo yari yashyirwa mu rurimi bavuga.

INZITIZI

Kugira ubwoba bw’uko kwakira Ubutumwa Bwiza byabakururira mu kaga ko gutotezwa na bene wabo.

IBYIFUZO BYO GUSENGERA

• Kugira ngo bake cyane muri bo bamaze gukizwa bahabwe imbaraga zo guhamya ibya Yesu Kristo muri bene wabo.
• Umwuka Wera agenderera imitima yabo, kugira ngo bahishurirwe Kristo uwo ari we.
• Ko haboneka Bibiliya yuzuye ndetse n’imfashanyigisho za Gikristo mu rurimi bavuga.

IJAMBO RY’UMUNSI

“Kandi abanyabwenge bazarabagirana nk’umucyo wo mu isanzure ry’ijuru, n’abahinduriye benshi ku bukiranutsi bazaka nk’inyenyeri iteka ryose.” ( Daniyeli 12: 3)

Ushobora gusangira aya makuru n’inshuti zawe wifashishije imbuga nkoranyambaga nka www. facebook.com, cyangwa se ubundi buryo bukoroheye, kwigomwa umwanya naho waba ari muto ukazirikana abatarumva Ubutumwa Bwiza mu buryo bw’isengesho ni iby’igiciro cyane mu maso y’Imana. Imana iguhe umugisha!

Ku babasha kumva ururimi rw’Icyongereza mushobora gukurikira gahunda ya buri munsi yo gusengera amoko atarumva Ubutumwa Bwiza kuri http://www.unreachedoftheday.org/ cyangwa http://www.cornerstonenc.org/unreached-of-the-day/

Ange Victor UWIMANA
[email protected]
(+250)788552883/ (+250)725151463