MFASHA DUSENGERE ABAKAHARI BO MU BUHINDE

“Ibisarurwa ni byinshi, ariko abasaruzi ni bake. Nuko rero mwinginge nyir’ibisarurwa, yohereze abasaruzi mu bisarurwa bye.” (Mat.9:37-38)

Mu rwego rwo kwifatanya n’abantu benshi hirya no hino ku isi mu gusengera amoko ataragerwaho n’Ubutumwa Bwiza, mfasha kuri uyu wa kabiri tariki ya 09 Gicurasi 2017 dusengere Abakahari bo mu Buhinde.

Mu Buhinde habarurwa abagera kuri 8.347.000, abandi batageze ku bihumbi 150.000 babarizwa muri Nepali na Bangaladeshi. Idini yiganje cyane mu Bakahari ni iya Hinduyisimi. Bibiliya yose na zimwe mu mfashanyigisho za Gikristo (urugero nka filimi ya Yesu) byamaze gushyirwa mu ndimi bavuga. Bityo ikihutirwa ni abavugabutumwa bo kubafasha gusobanukirwa inzira y’agakiza.

IBYIFUZO BYO GUSENGERA

• Imana ihagurutse Abakristo cyane cyane baturuka mu matorero yo Buhinde bajyane Ubutumwa Bwiza mu Bakahari.
• Umwuka Wera agenderere imitima yabo, kugira ngo bahishurirwe Kristo; ndetse anabatere ishyaka ryo gusoma Bibiliya .

IJAMBO RY’UMUNSI

“Kuko isi izakwirwa no kumenya ubwiza bw’Uwiteka, nk’uko inyanja y’amazi isendēra.” ( Habakuki 2:14)

Ushobora gusangira aya makuru n’inshuti zawe wifashishije imbuga nkoranyambaga nka www. facebook.com, cyangwa se ubundi buryo bukoroheye, kwigomwa umwanya naho waba ari muto ukazirikana abatarumva Ubutumwa Bwiza mu buryo bw’isengesho ni iby’igiciro cyane mu maso y’Imana. Imana iguhe umugisha!

Ku babasha kumva ururimi rw’Icyongereza mushobora gukurikira gahunda ya buri munsi yo gusengera amoko atarumva Ubutumwa Bwiza kuri http://www.unreachedoftheday.org/ cyangwa http://www.cornerstonenc.org/unreached-of-the-day/

Ange Victor UWIMANA
[email protected]
(+250)788552883/ (+250)725151463