MFASHA DUSENGERE ABAJAHANKA BO MURI GAMBIYA

“Ibisarurwa ni byinshi, ariko abasaruzi ni bake. Nuko rero mwinginge nyir’ibisarurwa, yohereze abasaruzi mu bisarurwa bye.” (Mat.9:37-38)

Mu rwego rwo kwifatanya n’abantu benshi hirya no hino ku isi mu gusengera amoko ataragerwaho n’Ubutumwa Bwiza, mfasha kuri uyu wa gatanu tariki ya 02 kamena 2017 dusengere Abajahanka bo muri Gambiya (Afurika y’iburengerazuba).

Abajahanka 4.700 batuye muri Gambiya ,naho abandi barenga gato 10.000 babarizwa cyane cyane muri Senegali na Gineya. Muri ibi bihugu uko ari 3, usanga aribo bayobora abandi mu bikorwa by’amasengesho mu idini ya Isilamu; dore ko ariyo yiganje ku kigero cyo hejuru ya 90%.

Nta gitabo na kimwe cya Bibiliya ndetse n’imfashanyigisho za Gikristo byari byahindurwa mu rurimi bavuga.

INZITIZI

Abajahanka bafite ubwibone bwo kuba bazi ko bafite ubumenyi bwinshi, ibi bikaba ari imbogambizi ku bijyanye no kwakira agakiza binyuze mu kwizera Yesu Kristo gusa.

IBYIFUZO BYO GUSENGERA

• Imana ihagurutse Abakristo bo hirya no hino ku isi kujyana Ubutumwa Bwiza mu Bajahanka.
• Haboneke Bibiliya yuzuye ndetse n’imfashanyigisho za Gikristo mu rurimi rwabo.
• Umwuka Wera agenderereimitima yabo, kugira ngo bahishurirwe Kristo.

IJAMBO RY’UMUNSI

“Amahanga yishime, aririmbishwe n’ibyishimo, Kuko uzacira amoko imanza z’ukuri, Kandi uzashorerera amahanga mu isi.” ( Zaburi 67:5)

Ushobora gusangira aya makuru n’inshuti zawe wifashishije imbuga nkoranyambaga nka www. facebook.com, cyangwa se ubundi buryo bukoroheye, kwigomwa umwanya naho waba ari muto ukazirikana abatarumva Ubutumwa Bwiza mu buryo bw’isengesho ni iby’igiciro cyane mu maso y’Imana. Imana iguhe umugisha!

Ku babasha kumva ururimi rw’Icyongereza mushobora gukurikira gahunda ya buri munsi yo gusengera amoko atarumva Ubutumwa Bwiza kuri http://www.unreachedoftheday.org/ cyangwa http://www.cornerstonenc.org/unreached-of-the-day/

Ange Victor UWIMANA
[email protected]
(+250)788552883/ (+250)725151463