MFASHA DUSENGERE ABAGUJARI BO MURI PAKISITANI

“Ibisarurwa ni byinshi, ariko abasaruzi ni bake. Nuko rero mwinginge nyir’ibisarurwa, yohereze abasaruzi mu bisarurwa bye.” (Mat.9:37-38)

Mu rwego rwo kwifatanya n’abantu benshi hirya no hino ku isi mu gusengera amoko ataragerwaho n’Ubutumwa Bwiza, mfasha kuri uyu munsi wo ku cyumweru tariki ya 30 Mata 2017 dusengere Abagujari bo muri Pakisitani.

Abasaga miliyoni 5 babarizwa cyane muri Afuganisitani, Pakisitani no muri leta nyinshi ziherereye mu majyaruguru y’uburasirazuba bw’Ubuhinde ku mugabane w’Aziya. Muri Pakisitani, Abagujari babarirwa muri 4.630.000. Abagujari bagira urugwiro kandi bakunda abantu, nyamara kuva mu kinyejana cya 11 , ubwo benshi muri bo babaga Abayisilamu; ubukene n’ubujiji bushingiye ku kutamenya gusoma byarabibasiye.

Idini yiganje ni iya Isilamu, Abakristo b’Abagujari bari munsi ya 2%. Isezerano Rishya niryo ryamaze guhindurwa mu rurimi bavuga (Punjabi). Ndetse na zimwe mu mfashanyigisho za Gikristo zamaze gushyirwa muri urwo rurimi( filimi ya Yesu, ibyigisho mu buryo bw’amajwi).

IBYIFUZO BYO GUSENGERA

• Imana ihagurutsa Abakristo benshi hirya no hino ku isi bakajyana Ubutumwa Bwiza mu Bagujari.
• Haboneka Bibiliya yuzuye mu rurimi rwabo.
• Umwuka Wera agenderera imitima yabo, kugira ngo bahishurirwe Kristo.

IJAMBO RY’UMUNSI

“Mwogeze icyubahiro cye mu mahanga, Imirimo itangaza yakoze muyogeze mu mahanga yose.” (1 Ngoma 16:24-25)

Ushobora gusangira aya makuru n’inshuti zawe wifashishije imbuga nkoranyambaga nka www. facebook.com, cyangwa se ubundi buryo bukoroheye, kwigomwa umwanya naho waba ari muto ukazirikana abatarumva Ubutumwa Bwiza mu buryo bw’isengesho ni iby’igiciro cyane mu maso y’Imana. Imana iguhe umugisha!

Ku babasha kumva ururimi rw’Icyongereza mushobora gukurikira gahunda ya buri munsi yo gusengera amoko atarumva Ubutumwa Bwiza kuri http://www.unreachedoftheday.org/ cyangwa http://www.cornerstonenc.org/unreached-of-the-day/

Ange Victor UWIMANA
[email protected]
(+250)788552883/ (+250)725151463