MFASHA DUSENGERE ABADURUZE BO MURI SIRIYA

“Ibisarurwa ni byinshi, ariko abasaruzi ni bake. Nuko rero mwinginge nyir’ibisarurwa, yohereze abasaruzi mu bisarurwa bye.” (Mat.9:37-38)

Mu rwego rwo kwifatanya n’abantu benshi hirya no hino ku isi mu gusengera amoko ataragerwaho n’Ubutumwa Bwiza, mfasha kuri uyu wa gatandatu tariki ya 29 Mata 2017 dusengera Abaduruze bo muri Siriya.

Abaduruze babarizwa cyane muri Isirayeli, Libani na Siriya ku mugabane w’Aziya. Muri Siriya, Abaduruze babarirwa mu 386.000. Abenshi bafite imyizerere yenda gusa n’iyi dini ya Isilamu, gusa bizera ko korowani ari igitabo kijimije; ku buryo bitoroheye buri wese kugisobanukirwa. Abakristo b’Abaduruze bari munsi ya 2 % . Ibitabo bimwe bya Bibiliya nibyo byamaze guhindurwa mu rurimi bavuga, nta zindi mfashanyigisho za Gikristo bagira. Aba biragoye kubabwiriza, kuko bakunda kwiheza ntibegerane n’abandi.

IBYIFUZO BYO GUSENGERA

• Imana ihagurutsa Abakristo benshi hirya no hino ku isi bakajyana Ubutumwa Bwiza mu Baduruze, cyane Abakristo b’Abarabu kuko usanga hari uburyo bashyikirana n’Abaduruze.
• Umwuka Wera agenderera imitima yabo, kugira ngo bahishurirwe Kristo.

IJAMBO RY’UMUNSI

“Mwami, amahanga yose waremye azaza, Akwikubite imbere akuramye, Kandi bazahimbaza izina ryawe. (Zaburi 86:9)

Ushobora gusangira aya makuru n’inshuti zawe wifashishije imbuga nkoranyambaga nka www. facebook.com, cyangwa se ubundi buryo bukoroheye, kwigomwa umwanya naho waba ari muto ukazirikana abatarumva Ubutumwa Bwiza mu buryo bw’isengesho ni iby’igiciro cyane mu maso y’Imana. Imana iguhe umugisha!

Ku babasha kumva ururimi rw’Icyongereza mushobora gukurikira gahunda ya buri munsi yo gusengera amoko atarumva Ubutumwa Bwiza kuri http://www.unreachedoftheday.org/ cyangwa http://www.cornerstonenc.org/unreached-of-the-day/

Ange Victor UWIMANA
[email protected]
(+250)788552883/ (+250)725151463