Menya byinshi kuri stress nuko wahangana nayo.

Iyi nyandiko iragufasha gusobanukirwa stress,ikiyitera,bimenyetso byayo, ndetse n’icyo wakora mu gihe wagize stress.

Stress ni ijambo ryo mu rurimi rw’amahanga ariko rikunzwe gukoreshwa no kumenyerwa hano mu gihugu cyacu, kuburyo aho warivuga hose, umuntu abasha gutahura icyo ushatse kuvuga.

Nkuko tubikesha ikinyamakuru kitwa www.medicinenet.com, kigaragaza ko stress ari imyifato umubiri ugira iyo uhuye n’ikintu kitari kiza, iki kinyamakuru kivuga ko stress ishobora kubaho, igihe umuntu abonye cyangwa ahuye n’ikintu runaka, bikamugora kubyakira mu buryo bwiza ndetse bikaba byanamutera umubabaro ukomeye,uburakari ndetse n’umunaniro ukabije mu mutwe.iki kinyamakuru kandi gitangaza ko stress ari igice gisanzwe cy’ubuzima, gifasha umuntu kwiga, gukura mu bitekerezo ndetse ikaba ishobora no guteza ibibazo bimwe na bimwe mu buzima.

Ibimenyetso biranga umuntu ufite stress

Stress idakabije ishobora kugira ingaruka nziza mu gihe igufashije kugira ibyo ukemera cyangwa ushyira ku muromgo uboneye.mu gihe yabanye nyinshi nanone, ishobora kugira ingaruka mbi k’ubuzima bwose umuntu abayemo ,ikindi nuko bitewe nuko stress ishobora kumara igihe gito ndetse hakaba nubwo ishobora kumara igihe kirekire ninako ibimenyetso byayo, bigaragarira mu mibereho y’umuntu, haba mu marangamutima,imyitwarire,imitekerereze ndetse n’imyifato igaragara inyuma.Bitewe nuko ubushobozi bwo guhangana na stress buba butandukanyue umuntu k’umuntu, ni nako abantu bagaragaza ibimenyetso mu buryo butandukanye.

Ikinyamakuru www.medicinenet.com gitangaza ko hariho ibimenyetso rusange bishobora kugaragaza, umuntu ufite stress,muribyo harimo:

 Mu myitwarire:Umuntu ashobora kugira ubushake budasanzwe bwo kurya cyangwa se akaba yabutakaza,kutita ku bintu no kutagra gahunda,kwiyahuza ibiyobyabwenge bitandukanye.
 Mu mitekerereze : Kuganzwa n’umubabaro uvanze n’uburakari,guhora witeze ikintu kibi,Kutabasha gutoranya ibyiza mu bibi,kwibagirwa cyane ndetse no kubaho ubuzima buvangavanze,
 Mu byiyumviro: Gutakaza intege cyangwa se imbaraga,guhora ubabara umutwe mu buryo buhoraho,guhorana ibibazo mu rwungano ngogozi (iseseme,kurwara impatwe,ndetse no gucibwamo), kubura ibitotsi,gutakaza ubushake bwo gukora imibonano mpuzabitsina,kubira ibyuya mu buryo budasanzwe,Kurwara ibiheri n’ibishishi kuri bamwe.
 Mu marangamutima:Gutakaza ibyishimo,guhora wumva utameze neza mbese udatekanye ndetse rimwe na rmwe ugashaka kuba wenyine,guhorana amaganya n’agahinda.
Icyo wakora mu gihe ufite stress

Bitewe nuko umuntu iyo ahorana stress bishobora kumuzanira ingorane zitandukanye kandi zikomeye,icyaba kiza nuko mu gihe wimenyeho ko ufite stress, cyangwa ubonye uyifite, hari ibyo wakora mu rwego rwo gutandukana na stress.Kugirango umuntu, abashe gutandukana na stress, bisaba kubanza kumenya bimwe mu bimenyetso yiyiranga umuntu yaba ari kugaragaza.kuko bigufasha kumenya icyo wakora kugirango igabanuke ndetse inashire.

Nkuko tubikesha ikinyamakuru kitwa www.apa.org gitanga inama ku bijyanye n’ubuzima bwo mu mutwe, gitangaza bimwe mu bishobora kugufasha kugabanya no gutandukana na stress.

 Gukora imyitozo ngororangingo mu buryo buhoraho
 Kugerageza kwishakamo akanyamuneza ndetse no guseka nubwo byaba bitoroheye.
 Kugerageza guhuza n’abandi urugwiro.
 Kureba mu ganga usanzwe ugukurikirana, waba utamufite ukaba wakwegera inkoramutima yawe ,ukayibwira kubya guteye stress.
 Gufata igihe cyawe wenyine utuje ukaba wanasenga, ukabwiza Imana ukuri ku byabaye kuko bigufasha kuruhuka mu mutwe no mu mutima.
Mu nyandiko itaha tuzabagezaho ingorane zizanwe no gutindana na stress,ntimuzacikwe.

Source:www.medicinenet.com
[email protected]