Kwiruka iminota 30 ku munsi ni ibanga ryo kugira ubuzima buzira umuze

Muri iki gihe usanga abantu b’ingeri zose bashishikajwe no gukora akazi gatandukanye mu rwego rwo gushaka imibereho, ugasanga abantu bazinduwe no kujya mu biro, gutwara imodoka, mu ma banki n’ahandi

Iyo ugenzuye neza usanga abenshi bakora akazi kabo bicaye, bagirango baratashye bakagenda mu modoka bityo ntibabone umwanya wo gukoresha imibiri yabo, ari nabyo bibaviramo uburwayi butandukanye

Hari abandi bamaze kumenya ingaruka zo kudakoresha imibiri yabo bahitamo kuzajya bakora imyitozo ngorora ngingo irimo kubyuka birukanka cyane, ibintu bitavugwaho rumwe na benshi kuko bamwe baba batibaza impamvu umuntu ashobora kubyuka yirukanka
Gusa kuri iki kibazo ubushakashatsi bwagaragaje ko benshi mu babyuka biruka cyangwa bakiruka nimugoroba nyuma y’akazi, batabikora ku bushake ahubwo babitegetswe na muganga kugirango bakire indwara runaka

Aha ushobora kwibaza uti ese mu byukuri kwiruka bimarira iki uwabikoze?

Kwiruka bitera umuntu akanyamuneza, akumva afite ibyishimo bidasanzwe nkuko tubikesha ikinyamakuru www.conseils-courseapied.com, aha ngo iyo umuntu afashe iminota 30 yo kwiruka bituma imisemburo itera ibyishimo ivuburwa, ibintu bifitanye isano neza n’uko iyo umuntu ateye akabariro ya misemburo ivubuka akumva aguwe neza

Kwiruka byibura iminota 30 kandi ngo bikomeza imikaya ku buryo umuntu ubikora ahorana imbaraga bigatuma nta ndwara yapfa kumuhangara uko yiboneye kuko ya mikaya iba ifite ubuzima bwiza kandi iri ku murongo

Amakuru dukesha urubuga www.conseils-courseapied.com, avuga ko kwiruka ari urukingo rwa kanseri bikaba ari n’ibanga kubashaka kugumana itoto no kugira ubuzima bwiza ngo kuko nawe uramutse ukoze ubushakashatsi bworoheje ushobora gufata abantu uzi nka babiri bakora siporo yo kwiruka na babiri batabikora, ushobora gusanga nta na hamwe bahuriye kuko babandi bakora siporo muri ubwo buryo baba bakeye ku mubiri no ku mutima kandi bafite imbaraga mu gihe abatabikora baba basukuma

Niba ushaka kugira ubuzima bwiza kora siporo yo kwiruka nibura iminota 30 gusa.

Src: www.conseils-courseapied.com

[email protected]