Kuba umukristo udasanzwe wo mu gihe kidasanzwe/ Ev François Ntakirutimana

Dutangiye Umwaka wa 2018 ndifuzako dusangira rino Jambo ryo kuba umukristo udasanzwe mu gihe kidasanzwe
“Hanyuma y’ibyo, abenguka Yosefu, aramubwira ati"Turyamane."
Maze ariyangira, abwira nyirabuja ati"Dore databuja ntagenzura ibyo mubikiye byo mu rugo, ndetse ambikije ibyo atunze byose.
Bukeye yinjira mu nzu gukora umurimo we, ari nta bandi bagabo bo mu nzu barimo.
Uwo mugore afata umwenda we aramubwira ati"Turyamane." Amusigira umwenda we arahunga, arasohoka.” (Itangiriro 39:7-15)
“Maze abo babyaza bubaha Imana, ntibakora ibyo bategetswe n’umwami wa Egiputa, ahubwo bareka abahungu babaho”(Kuva1:17) , Nehemiya 2:17

Ubusanzwe umukristo hari uko aba agomba kuba ameze bitandukanye n’abantu batarakizwa kuko bigaragazwa n’imbuto bera .

Hari ibintu biranga umukristo udasanzwe mu gihe kidasanzwe

- Anyurwa nuko ari. Abafilipi 4:10-13
- Aririnda muri byose. 2 Abakorinto 6:4
- Abaho ubuzima buca bugufi bwo gukiranuka . Imigani 22:4

Ese umukristo ashobora gukomeza ubukristo no mu gihe kiterambere ?

Abantu benshi bibeshya ku iterambere ngo niryo ribatera gukora ibyaha ariko sibyo. umukristo arangwa n’ibi mu gihe kiterambere:

- Kuba maso. Abaroma 13:11-14

- Gukomerera mu byo yizeye .Job 7:1, 27:5-6

- Kuba umugabo nyamugabo. Daniyeli 6:12

- Kwikomeza.

- Ibikorwa byose akoze abikorana urukundo.

Ese gukizwa birakomeye , ntibishoboka muri ibi bihe ?

Yego gukizwa birakomeye ndetse ntishoboka iyo wowe wumvise ko ku bwawe wabishobora ukoresheje imbaraga zawe. Gukizwa birashoboka ndetse biroroshye iyo wumvise ko wowe ntacyo ushoboye ahubwo ko kristo ariwe ugushoboza gukizwa birashoboka. Abagaliya 2:20 , Abafilipi 4:13

Ese umukristo n’udakijijwe hari aho bahuriye , nibamwe se?

Umukristo n’udakijijwe ntaho bahuriye, 2Abakorinto 6:14-18.
Barakorana, barigana baragenderana ariko umwami bakorera si umwe niyo mpamvu n’uba uri kumwe n’umuntu udakijijwe ukagerageza kumubwiriza ntahinduke uzamuhunge kuko we ubwe azashaka uko yaguhindura.

Hari igihe umuntu abaho ariko akora ibihabanye n’Ijambo ry’Imana , Ni ukuvugako uwo muntu aba aterana yitabira gahunda zose z’itorero ariko atarahindutse(umupagani wo mu rusengero ) icyo aba yarakoze aba yarahinduye umwirondoro ( address) ibyo yakoraga akiri umunyabyaha aba akibikora. Umukristo we akora ibyo kristo yakoraga akera imbuto zikwiriye abihannye akagaragaza itandukaniro hagati ye n’abatizera.

Ibintu byagufasha mu gukomerera mu gakiza

- Gusenga

- Guhamya

- Gusoma ijambo ry’Imana

- Guca bugufi .

Muri iki gihe turimo gikomeye kandi kirushya, abakristo bakwiye kuba icyitegererezo cy’abizera ku byo bavuga, ku ngeso zabo, ku rukundo , kwizera n’umutima uboneye kugirango benshi nibabona imbuto zabo nziza bahinduke kubwabo. (1Tim 4:12).

Sophie @Agakiza.org