Korari La Charite izataramira I huye mu mpera z’iki cyumweru

Korari La Charite ikorera umurimo w’Imana ku mudugudu wa Nyabisindu mu Karere ka Muhanga izitabira igiterane ku wa gatandatu no ku cyumweru tariki 09-10/09/2017 cyateguwe na ADEPR umudugudu wa Taba, Paroisse ya Taba, Itorero ry’Akarere ka Huye.

Iki giterane kizitabirwa kandi n’amakorari yo kuri uyu mudugudu, harimo korari Iriba na Chorale Itabaza n’abavugabutumwa batandukanye.

Korari La Charite yatangiye gukora umurimo w’Imana mu mwaka wi 1981 itangijwe n’abaririmbyi 8 bakoresha ingoma y’uruhu, inzogera y’igare, vugirije zo ku duti n’ingoma z’ibikombe by’amadebe mu gutunganya umuziki (music) w’icyo gihe.

Yatangiye yitwa korari ya mbere nyuma iza kwita korari ya Gitarama. Mu mwaka wi 1995 korari ya Gitarama ihindurirwa izina yitwa korari La Charite.

Korari La Charite uyu munsi igizwe n’abaririmbyi 96. Abantu bose baciye muri korari La Charite baragera kuri 365. Bamwe bagiye gukorera umurimo w’Imana ahandi. Iyi korari yareze abakozi b’Imana batandukanye, harimo Abapasitoro, Abavugabutumwa, n’Abadiyakoni.

Korari La Charite yakoze ivugabutumwa mu ntara zose z’igihugu cy’u Rwanda, ikaba yaranabyaje ubutumwa imidugudu myinshi yo mu cyahoze ari Gitarama.

Korari La Charite ifite album y indirimbo z’amajwi n’amashusho. Ikomeze umurimo w’Imana w’ivugabutumwa n’ibindi bikorwa byo kwiteza imbere.

[email protected]