Korari Alliance iritegura gushyira ahagaragara Album “Jesus Alfa and Omega”

Korari Alliance ikorera umurimo w’Imana mu kaminuza y’Urwanda ishami rya Huye ku cyumweru tariki 10 Ukuboza 2017 izaba ishyira ahagaragara umuzingo w’amashusho bise “Jesus Alfa and Omega” (Yesu Itangiriro n’Iherezo) kuva saa saba kugera saa kumi n’ebyiri muri Auditorium ya Kaminuza (Huye Campus).

Iki gitera kizitabirwa n’amakorari akorera umurimo w’Imana muri Kaminuza y’Urwanda ishami rya Huye arizo Elayo, Vumiliya, na Enihakhori ndetse na Korari Muhima guturuka muri Paruwasi ya Muhima mu mugi wa Kigali.

Elayo nayo izitabira iki gitaramo

Umwigisha w’Ijambo ry’Imana muri iki giterane akaba ari Pasiteri Habyarimana Desire umuyobozi w’umuryango wo Gushaka no Gukiza Icyazimiye (SSHM).

Pasiteri Desire Habyarimana

Mu kiganiro Agakiza.org twagiranye na Nsabimana Frank umuyobozi wa Korari Alliance yatubwiye ko imyiteguro yo gushyira ahagaragara iyi Album igeze kure kandi asaba abantu kuzaza ari benshi bagafatanya gushima Imana yabafashije gukora uyu murimo uzabafasha kugeza ubutumwa bwiza ku bantu benshi batandukanye bo mu mahanga menshi.

Yagize ati “Izi ndirimbo zizadufasha kwamamaza ubutumwa bwiza ahantu henshi twe tutabasha kugera kuko ziri mu ndimi zitandukanye zikoreshwa n’abantu benshi ku isi, zikazabasha kugeza ubutumwa bwiza ahantu henshi no kubantu benshi twe tutabasha kugera.”

Korari Alliance niyo yabimburiye izindi mu cyahoze ari Kaminuza Nkuru y’Urwanda (UNR) kuko yatangiye ibikorwa by’ivugabutumwa mu mwaka wi 1997.

Korari Alliance

Iyi Korari iririmba mu ndimi zitandukanye zirimo icyongereza, igifaransa, igiswahili n’ikinyarwanda, ikaba ifite abaririmbyi barenga 80 babarizwa mu mashami atandukanye ya Kaminuza y’Urwanda, bahoze bigira I Huye ariko bamwe bagiye bimurirwa mu yandi mashami ya Kaminuza y’Urwanda bitewe n’impinduka zabaye mu burezi.

[email protected]