Itorero, ADEPR Pentecostal Church International Uganda, ryabateguriye igiterane

Itorero ADEPR rikorera mu gihugu cya Uganda ryongeye gutegura igiterane gifite intego igira iti” Haguruka twubake inzu y’Imana”

Pst Singirankabo ni we wateguye igiterane

Ni igiterane kigamije gushaka ubwitange bwo kugura ikibanza no kubaka urusengero rw’Imana muri iki gihugu hagamijwe guhesha Imana icyubahiro kuko iri torero risanzwe rikorera munsi y’ibiti kandi naho hakaba hakodeshwa

Insanganyamatsiko y’iki giterane igaragara mu gitabo cya Nehemiya 2:17 B yaho haravuga ngo” Nimuze twubake inkike y’i Yerusalem tutagumya kuba igitutsi”
Iki giterane kizaba tariki ya 9 niya 10 nzeri umwaka wa 2017,

Kizitabirwa n’amakorari atandukanye arimo korari Salem ADEPR Gatsta, abahanzi batandukanye barimo abo mu Rwanda n’abo muri Uganda, abigisha b’ijambo ry’Imana barimo UMWARI Rebecca n’abandi nkuko twabibwiwe n’umushumba uyoboye umudugudu wa Bukasa iki giterane kizaberamo, Pastor SINGIRANKABO Jean de Dieu

Korari Salem yo mu gatsata

Pastor SINGIRANKABO yakomeje avuga ko imyiteguro igeze kure kandi ko nta kizabuza abatumiwe kuza cyane ko banabisengeye bityo Imana izabana nabo.
Biteganijwe ko iki giterane kizajya gitangira saa yine z’amanywa kugeza saa kumi n’ebyiri z’umugoroba (10:00Am-18:00Pm)


Umwari Rebecca ufite ubuhamya ko yigeze kujya kuzimu azaba ahari

Mwese nimuhaguruke twubake inzu y’Imana

Liliane @agakiza.org