Inshamake y’igitabo cyo KUVA

Izina ry’iki gitabo risobanura neza uburyo Imana yakuje imbaraga zayo ubwoko bw’Isiraheli mu bubata bwa Farawo wo mw’Egiputa. Abisiraheli bayobowe na Mose afatanije na mukuru we Aroni. Muri iki gitabo kandi ni naho tubona ivuka rya Mose mu gice cya 2; n’uburyo Imana yamuhamagariye gukura bene wabo mw’Egiputa n’uburyo yabayoboye mu rugendo.

Iki gitabo cyanditswe nko mu mwaka w’1410 (MK) muri iki gihe cyacu kikaba kimaze imyaka igera 3400 cyanditswe.

Ese ni ibiki biboneka muri iki gitabo muri make?

Hari ibintu bitatu by’ingenzi bivugwa muri iki gitabo:
1) Uko Imana yacunguye Abisiraheli mu bubata.
2) Iby’amasezerano Imana yahaye Abisiraheli ikabaha n’amategeko.
3) Iby’Ihema ry’ibonaniro (Ubuturo bwera).

Kugira ngo tumenye neza iby’iki gitabo twakigabanyamo ibice bitatu by’ingenzi aribyo:
1. Abisiraheli m’ububata mw’Egiputa Kuva 1-12
2. Imana ikura Abisiraheli mw’Egiputa Kuva 13-18
3. Imana ihera Abisiraheli amategeko kuri Sinayi mu butayu 19-40

Ihema ry’ibonaniro

Imana itegeka Mose kubaka ubuturo bwera aho izajya ibonanira n’ubwoko bwayo iyo nzu yubatswe mu mahema yari ifite ibyumba bitatu:

1) Mu rugo imbere harimo:

a) Igikarabiro cy’umuringa: icy’umutambyi yabanzaga gukarabiramo mbere yuko binjira mu nzu imbere, kandi cyahoraga hafi y’umuryango.
b) Igicaniro bakongoreraho ibitambo.
c) Ameza batunganirizagaho ibitambo (mu kubibaga).

2) Ahera (icyumba cya mbere cyarimo :

a) Ameza yahoragaho imigati (imitsima) cumi n’ibiri
b) Igicaniro cy’imibavu yatumaga hahora hahumura
c) Igitekereko cy’amatabaza yahoraga yaka cyari gifite amashami arindwi

3) Ahera h’Ahera (Ahera cyane) harimo:

Isanduku y’isezerano yari ifite umupfundikizo wariho ibishushanyo by’Abakerubi babiri bunamye bahuje amababa.
Kuri uwo mufuniko bahitaga INTEBE Y’IHONGERERO kuko ariho umutambyi yamishaga amaraso rimwe mu mwaka (y’igitambo) cyatambwaga rimwe cy’uko bar’amahoro. Muri iyo sanduku harimo ibintu bitatu aribyo :

1) Urwabya rwarimo manu Imana yagaburiye Abisiraheli m’ubutayu.
2) Inkoni ya Aroni yarabije igihe Imana imutoraniriza umurimo w’ubutambyi.
3) Ibisate bibiri by’amabuye byari byanditsweho amategeko 10. Hari kandi umwenda watandukanyaga ahera n’ahera cyane wari ushushanijeho abakerubi.

[email protected]