Inshamake y’igitabo cy’UMUBWIRIZA

Igitabo cy’umubwiriza kiri mu mugabane wa ya mizingo 5 igize isyo bita "Megillote” mu minsi mikuru. Mu ruheburayo "Koheleti" kubwirinza cyangwa se umubwiriza, rihwanye n’ijambo "Kohali" ryo mu rugiriki, kuvugira ijambo mu iteraniro, gukoresha igiterane. Ni ukuvuga ko umwanditsi w’iki gitabo ari umwigisha.

Umwigisha yivuga ko ari umwami w’i Yerusalemu, umuhungu wa Dawidi (1:1). Ntashobora kuba ari undi uretse Salomo wari ufite ubuhanga n’ubwenge bwinshi (1:16).

Iki gitabo gishobora kuba cyaranditswe mu kinyejana cya 10 MK
Iki gitabo kigenda kigaruka ku ijambo rimwe ko byose ntacyo bimaze: ubukungu, ubuhanga, urukundo, ubuzima...Mu bikorerwa mu isi byose icyo umubwiriza abonye gifatika ni ukumenya Uwiteka naho ibindi byose ni ukwiruka inyuma y’umuyaga (12:13)
.
A) 1: 1 -4: 16: Umubwiriza aratwereka ko yabonye ko iby’isi byose ari ubusa.
B) 4: 17-10:20: Umubwiriza akimara kubona ko byose ari ubusa hari inama agira abantu: kwinezeza mu buzima bwabo ariko bitondera amategeko y’Imana.
C) 11:1-12:6: Umubwiriza akimara kubona ko ibimukikije byose ari ubusa, ahitamo kurarikira abasore kubura amaso ngo barebe mu ijuru, ko aribwo babona umunezero ushyitse.

Muri iki gitabo munsi y’ijuru riravugwa inshuro zirenga kuri 28.
Iyo dusomye iki gitabo tubona ko uwacyanditse ari umukristo wuzuye akimara kwerekana ko iby’isi bitagira umumaro arerekeza abantu ku kwizera nyakuri.

Muri iki gitabo Imana ivugwamo kenshi. Imana ni yo itanga ubutunzi, ni yo itanga byose. Ni iyo gutinywa no kwibukwa kubera ko izashyira byose mu rubanza. Mu yandi magambo, iki gitabo kiratwereka ko ari nta handi amahoro yabonerwa atari muri Yesu.