Inshamake y’igitabo cy’INDIRIMBO ZA SALOMO

Abayuda bavuga ko Salomo yanditse indirimbo mu busore bwe, akaba yaranditse Imigani mu gihe yari akuze naho Umubwiriza akaba yarayanditse mu busaza bwe. lyi ndirimbo yaba yarayanditse mu kinyejana cya 10 MK.

A. 1:2-2:7: urukundo rw’abageni
B. 2:8-3:5: abageni bashakana babonana
C. 3:6-5; l: Ubukwe
D. 5:2-6:9: urukundo rugeragezwa runesha
E. 6:10-8:4: umukobwa w’i Shunemu, umwamikazi mwiza wicisha bugufi
F. 8:5-14: urukundo rushyikira mu rugo iwabo

Iki gitabo gifite ibisigo 5 muri ibi bice byacyo 8, birata umukwe n’umugeni.

Mu Bayuda ubukwe bwamaraga iminsi 7 bishima, babyina, baririmba. N’abageni na bo baririmbaga umwe arata mugenzi we. Ibisigo biri muri iki gitabo byaba ari cyo byahimbiwe (Itang. 29:22-28 ; Abac. 14:14-17).

Iyi ndirimbo iratwereka ko urukundo nyakuri rutagurirwa kandi ko rutabyutswa mbere y’igihe (8:8-12). Indirimbo irakomeza itubwira ko urukundo rufite amaboko nk’urapfu (8:6-7). Umugeni yitwa umukobwa w’i Shunemu, risobanurwa ngo umukobwa w’amahoro. Iryo jambo kandi ni igitsina gore cya Salomo: umwami w’amahoro.

Muri aya mazina tubonamo igishushanyo cy’urukundo rwa Kristo n’ltorero. Kandi no mu Isezerano rya Kera Imana yiyerekanaga ku muryango wayo nk’umugabo n’umugore (Yes.62:5; Yer.3:l) ; no mu Isezerano rishya Yesu na we ni ko yigereranyije (Mat. 9:15). Abayuda, hanyuma abakristo baje kubona muri iyo ndirimbo urukundo Imana ifite kuri Isirayeli umuryango wayo. Twebwe abakristo dusanga muri iyi ndirimbo urukundo rwa Yesu Kristo ku Itorero ryayo.