Ingorane zizanwa n’umubyibuho ukabije.

Umubyibuho ukabije ni ikibazo kibaho igihe mu mubiri ibinure byabaye byinshi biba byatewe nuko ibyo wariye,umubiri uba utabikoresheje byose.Wifuza kumenya byinshi ku mubyibuho ukabije wakanda kuri iyi link, http://www.agakiza.org/?SOBANUKIRWA-BYINSHI-KU-MUBYIBUHO-UKABIJE-N-UBURYO-BWO-KUWIRINDA&var_mode=calcul.

Umubyibuho ukabije, ni kimwe mu bintu bishobora gushyira ubuzima bw,kiremwamuntu mu kaga gakomeye,muri iyi nyandiko twagerageje kwegeranya, zimwe mu ngorane zizanywa n’umubyibuho ukabije.

Dore zimwe mu ngorane zizanwa n’umubyibuho ukabije:

 Umuvuduko ukabije w’amaraso(Hypertension): Iyo ufite umubyibuho ukabije, uba ufite ibyago byo kugira ikibazo cy’umuvuduko ukabije w’amaraso, iki kikaba ari ikintu cyo kwirinda kuko kica umuntu bucece.
 Kurwara indwara ya sitoroke (stroke), indwara ibaho igihe umuvuduko w’amaraso ukabije,bikaba byatuma, imwe mu mitsi igaburira ubwonko iziba cyangwa se ikaba yanaturika.
 Ibibazo bitandukanye byibasira urwungano rw’ubuhumekero, muribyo twavuga mo nk’indwara y’ubuhwema (Asthma) ndetse na Sleep Apnea ibaho igihe umuntu asinziriye akananirwa guhumeka.
 Kugira urugimbu rwinshi mu mubiri
 Umubyibuho ukabije wongera ibyago byo kurwara kanseri zitandukanye nka kanseri y’amara,amabere,umuhogo,impyinko, n’izindi.
 Diyabete yo mubwoko bwa kabiri ikunze kwibasira abantu bakuze, ubushakashatsi butandukanye, bugaragaza ko iyo urwaye diyabete, uba ufite ibyago byinshi byo kugira umubyibuho ukabije, kandi iyo umubyibuho ukabije wahageze uzana izindi ngorane zitari nke, bityo rero mu gihe ufite uburwayi bwa diyabete uba ugomba kwirinda umubyibuho ukabije.
 Umubyibuho ukabije utera ibibazo bitandukanye urwungano rw’inkari

Izi ngorane twagaragaje ni zimwe muri nyinshi ziterwa n’umubyibuho ukabije, uburyo bwo kwirinda no gukumira umubyibuho twabugaragaje muri iriya link twatanze haruguru, wayikandaho ukabusoma, bityo ugaca ukubiri nizi ngorane twagaragaje ndetse n’izindi tutabashije kurondora.

Source: www.webmd.com
[email protected]