Imyiteguro ya concert y’igitaramo cy’umuramyi Vincent Gashongore irarimbanije ndetse na bamwe mu bazafatanya nawe bamaze kumenyekana.


Umuramyi Vincent Gashongore aritegura kumurika Album nshya y’amashusho mu giterane kigari yise « Umwami atanze ihumure » kizabera i Kigali muri sale ya New Life mu karere ka Kicukiro, tariki ya 17 Nzeri 2017.

Iki giterane gitegerejwe n’umubare utari muto w’abakunzi ba muzika, by’umwihariko abakunda Imana hano mu mujyi wa Kigali. Iki giterane cyatangajwe hakiri iminsi myinshi ngo kibe cyakomeje gutera amatsiko abakurikiranira hafi amakuru y’ibitaramo ndetse n’abakunzi ba Vincent, kuva cyatangira kuvugwa. Kuri ubu ngo imiteguro yacyo igeze kure ndetse n’abazakiririmbamo bandi batangiye kumenyekana.

Umuramyi Gashongore Vincent

Mu kiganiro na Agakiza.org, Vincent Gashongore yatangaje ko hari abo bamaze kuvugana ndetse yemeza ko bazagaragara mu gitaramo cye ari gutegura.

Yagize ati : «Imyiteguro y’igiterane igeze kure kuko ubu amarepetition twarayatangiye, sale irahari, abatumirwa twamaze kuvugana, nta kibazo hasigaye gukomeza gusengera umunsi nyirizina no gutumira.»


Vincent Gashongore

Tumubajije abatumirwa yakomeje agira ati: “Abatumirwa nk’uko nabivuze haruguru twamaze kuvugana, hari Luc BUNTU, Arsene TUYI, Korari Injili Bora, ndetse na Lydia MASASU nk’umwigisha w’ijambo ry’Imana.”


Lydia Masasu ari kumwe n’umutware we Apostle Joshua Masasu umushumba w’itorero rya Restoration mu Rwanda


Luc Buntu azaririmba muri iki gitaramo


Arsene TUYI nawe aza ahari


Korari Injili Bora nayo izaririmba mu gitaramo cya Vincent