Impano ni iki?(Igice cya kabiri)

1Abakorinto 12:4
Icyakora hariho impano z’uburyo bwinshi, ariko Umwuka ni umwe.

Mu gice cya mbere twabonye ukuntu Umuntu ufite Impano y’Imana mu itangira ryo gukora kwayo ahura n’abantu bayirwanya ,baba batayemera, twabonye ukuntu yozefu bamurwanyije bakamwita n’amazina ngo ni karosi (Itangiriro 37).
Tugiye kureba Urundi rugamba Umuntu ufite Impano ahura narwo arebye nabi yahagwa kuko rwo ruba rushaka Umuntu w’imbere uzabona Imana ari we bugingo.

Twifashije Urugero rwa Yozefu na none(Itangiriro 39)

Tubona ukuntu yozefu bene se bamugurishije kubera kumwanga bashaka ko ibyo yababwiye bitazasohora, Agurwa na potifari ajya kuba mu rugo rwe amukorera , Kubera ko yari umunyamugisha , Imana yari yaramuhaye ukuboko kwiza ku kintu cyose yakoragaho, byamukururiye mu kigeragezo gikomeye aho nyirabuja yamukunze kugeza aho yifuza ko baryamana muri ino minsi abanyempano benshi bagwa mu rugo rwa potifari.

Hano yozefu yari yageze ku musozi wo gukundwa, iyo yozefu atamenya kwirinda yari guhumanira Kwa potifari,ntabwo irembo ryo kugera aho Imana imuteganyiriza yari kuryinjiramwo. byatangiriye mu mpano yo kurota imugeze aho Kwa potifari,muri ino minsi hari abantu banyura munzira zigoye bakagwa Kwa potifari kandi imbere yabo hari ibindi byiza,Abanyempano benshi baguye mu nzira bashutswe n’utuvungukira.

Impano igirira Umumaro nyirayo ,Umuryango, Itorero ndetse n’igihugu buriya yozefu iyo agwa hariya hari byinshi byari kuba bipfuye,abantu benshi bakunda kuvuga ngo Impano ntacyo ipfana n’umuntu ngo akora ibyaha igakompeza gukora Yego nibyo ariko hari izindi mpano nyinshi atabona ndetse Ubugingo bwe burapfa ariko turimo kureba ku nyungu z’itorero hari izindi atabona kandi zifasha itorero Pawulo yaravuze ngo Mushimikire urukundo kandi mwifuze impano z’Umwuka(1Abakorinto 14:1) Dukwiriye Gusenga dusaba izindi mpano z’Imana ariko iyo Umuntu yahumanye ntabwo yabona izindi kuko isengesho ry’umunyabyaha Imana itaryumva keretse iyo yiyunze nayo.

Dusenge, Mana ni wowe waduhaye Impano kugirango tuzikoreshe mu itorero ryawe, satani araturasa ashaka ko duhumana twongerere ku mbaraga ngo tubashe kurushaho kunesha, duhe Umwuka wera mwinshi adufashe kurinda ikibitsanyo waduhaye, tubisabye twizeye mu Izina rya Yesu kristo Umwami wacu,

Amen.

Tuzasubira mugice cya gatatu,birakomeje,,,,,,,,

Source: NKUNDABAGENZI Gad

Liliane KALIZA@ Agakiza.org