Impamvu Imana ishaka ko abagabo bita ku ngo zabo kurusha ibindi bintu byose

Imana ishaka ko abantu baha agaciro umubano kugeza igihe bazavira mu isi.
Ugushyingirwa ni ingenzi cyane, niyo mpamvu abakristo b’abagabo bakwiye kwita ku ngo cyane kurusha ikindi kintu cyose. Ikindi kandi uko bita ku rugo rwabo, byubaka umubano wabo n’Imana.

Muri iyi nkuru, reka turebere hamwe impamvu gushinga urugo bikwiye guhabwa agaciro n’umwanya nyuma y’Imana:

1. Ni itegeko ry’Imana rikwiye guhabwa agaciro

Mutekereze kuri ibi bagabo, iyo ugushyingirwa kuba atari ingenzi, kuki Imana yahaye Adamu umugore? Mu Itangiriro2 hatubwirako Imana yabonyeko ari byiza ko iha umufasha Adamu .Mubyo yari yaremye byose yabuzemo n’umwe, maze imuremera Eva.

Kuki Imana yaremye Eva?

“Kandi Uwiteka Imana iravuga iti “Si byiza ko uyu muntu aba wenyine, reka muremere umufasha umukwiriye.” (Itangiriro2:18) Imana yaremye Eva nyuma yo guha Adamu ubutware bwo gutegeka no kurinda Edeni.(2:15), Yamuremye nyuma yo kubona ko atari byiza ko umuntu aba wenyine.Iri jambo’ wenyine’risobanuyeko Imana iyo iguhaye urugo, ibona ko ari ikintu cy’ingenzi cyari gikenewe mu kuzuza ubushake bwayo.

Hari abagabo n’abagore bahisemo kuba bonyine. Abo nabo Imana yabahaye ubwo buntu bwo kuba bonyine ubuzima bwabo bwose kugirango bashobore kuyibandaho, ariko igihe Imana ihaye umugabo n’umugore kubana, ni ingenzi cyane ko abo bashakanye bumva ko Imana yabahaye gushaka kugira ngo bibe umuyoboro wo kuzuza ibyo ishaka.

Muri make, gushyingirwa ni agace k’ubushake bw’Imana ku muntu bityo abagabo bagomba kubiha agaciro, n’umwanya.

2.Abagore banyu ni abakobwa b’Imana

Bagabo, mukwiye gutekereza mukamenya ko abagore banyu ari abakobwa b’Imana, ko ari yo yababahitiyemo, ngo mubiteho.

Umubyeyi mwiza w’umugabo yifuza ko umukwe we yamufatira umukobwa we neza akamwubaha. Ahora yifuza ko umukobwa we yazagubwa neza. Igihe cyose umugabo we amukoreye ikintu kibi biramubabaza akanamurakarira.
Imana irenze umubyeyi ,ihora ari nziza nk’uko yahoze,n’umubyeyi ukwiye kubahwa, bityo rero mukwiye kwiga kuyubaha.

Mu gitabo cy’Imigani haduha ishusho y’abayubaha:

• “Kūbaha Uwiteka ni ishingiro ry’ubwenge, Kandi kumenya Uwera ni ubuhanga.”(Imigani9:10).

Ibi bisobanuye ko buri kintu cyose mukorera abagore banyu , gikwiye kuba kirimo ubwenge n’ ubuhanga by’umuntu ufite imico y’Imana.

• “Kūbaha Uwiteka ni ukwanga ibibi, Ubwibone n’agasuzuguro n’inzira y’ibibi, n’akanwa k’ubugoryi ni byo nanga.”(Imigani8:13)

Ibi bivuze ko niba mutinya Imana, ntimukwiye gukorera abagore banyu ikibi cyose, ahubwo mukwiye guca bugufi mukubaha abo Imana yabahaye ngo bababere abafasha.

3. Ibindi byose byubakira ku mibanire yanyu

Uko mubanye byerekana ubuzima mubayemo kandi n’imigisha Imana ibaha ituruka ku mibanire yanyu.

Uku niko amasengesho yanyu agenda iyo mufashe abagore banyu nabi:

“Namwe bagabo ni uko; mubane n’abagore banyu, mwerekane ubwenge mu byo mubagirira kuko bameze nk’inzabya zidahwanije namwe gukomera, kandi mubūbahe nk’abaraganwa namwe ubuntu bw’ubugingo, kugira ngo amasengesho yanyu ye kugira inkomyi.” (1Petero3:7)

Ubutumwa mubabwa buhera ku mibanire yanyu:

“Nuko umwepisikopi akwiriye kuba inyangamugayo, no kuba umugabo w’umugore umwe, abe udakunda ibisindisha wirinda, ugira gahunda mu kubaho kwe, ukunda gucumbikira abashyitsi, ufite ubwenge bwo kwigisha, utari umunywi wa vino cyangwa umunyarukoni, ahubwo abe umugwaneza utarwana, utari umukunzi w’impiya, utegeka neza abo mu rugo rwe, agatera abana be kumvira no kubaha rwose.
(Mbese utazi gutegeka abo mu rugo rwe yabasha ate kurinda Itorero ry’Imana?) Kandi ntakwiriye kuba uhindutse Umukristo vuba, kugira ngo atikakaza akagwa, agacirwa ho iteka Satani yaciriwe ho.(1Timoteyo3:2-6)

Uku niko Imana ifata umugabo utagira icyo afasha umuryango we:

“Ariko niba umuntu adatunga abe cyane cyane abo mu rugo rwe, aba yihakanye ibyizerwa, kandi aba abaye mubi hanyuma y’utizera.(1Timoteyo5:8)

Bagabo , mugomba kwirinda gukorera ibibi impano Imana yabahaye kuko uko mubafata muzabibazwa mugeze imbere y’Imana.

[email protected]