Impamvu 15 zikwiye gutuma dusenga twiyirije ubusa

Umukiristo nyawe uko bwije n’uko bukeye ahora ashishikajwe nuko yarushaho kugirana ubusabane n’Imana, ibi birushaho kumuha amahirwe yo gukura mu buryo bw’umwuka ari nacyo kigero Imana ubwayo iba ishaka kumubonamo. Isezerano rishya hamwe n’irya kera bitwigisha umumaro wo gusenga twiyiriza(guhagarika gufata ifunguro n’ibinyobwa) ukibanda ku masengesho ushaka ubushake bw’Imana. Gusa umuntu ashobora gusenga atiyirije ubusa cyangwa akiyiriza ubusa atasenze.

Reka turebere hamwe kwiyiriza ubusa usenga n’umubaro wabyo, tunarebere hamwe ese abatubanjirije babikoraga bate ? ubuse ho byagakozwe gute? www.agakiza.org twabashakiye icyo bibiliya ivuga n’umumaro wo gusenga kwiyirije ubusa.

1. Imana itanga imbabazi: nuko bateranira I Misipa, bavoma bayabyarira imbere y’Uwiteka. Uwo munsibiyiriza ubusa baravuga bati “twacumuye Uwiteka” maze samweli acirira Abisirayeli imanza I Misipa). Biyirije ubusa nyuma y’imyaka makumyabiri bashaka Uwiteka barira ariko ntibamubone kubera ibyaha byabo kuko icyo gihe basengaga bali n’ ashitaroti. Nyuma Uwiteka yabagiriye imbabazi abaha gutsinda abafilisitiya (1samweli 7:6)
nicyo cyatumye Dawidi yingingira uwo mwana ku Mana, yiyiriza ubusa yihina mu nzu, acura umurambo hasi burinda burya (2 Samuel 12:16)

2. Imana yereka abantu icyo gukora : ubwo basengaga Umwami Mana biyiriza ubusa, Umwuka wera yarababwiye ati “Mundobanurire Barinaba na Sawuli, bankorere umurimo mbahamagariye gukora (Ibyakozw 13:2)

3. Imana yagura impano mu murimo : Nuko bamaze kubatoraniriza abakuru mu matorero yose,basenga biyiriza ubusa, babaragiza umwami Yesu uwo bizeye (Ibyakozw 14:23)

4. Imana ihishura ibihishwe : Nta nyama mutsima naryaga nubwo ari mwiza, nta nyama cyangwa vino, nta cyo nasamiraga kandi sinihezuraga kugeza aho ibyo byumweru uko ari bitatu byose bishiriye (Daniyeli 10:3)

5. Imana iburizamo ibibi ku muntu: Genda uteranye Abayuda bari i shushani bose mwiyirize ubusa munsabire, mumare iminsi itatu ku manywa na nijoro mutagira icyo murya cyangwa munywa. Nanjye n’abaja banjye tuzabigenza dutyo. Uko ni ko nsanga umwami, nirengagije itegeko, kandi niba nzarimbuka nzarimbuka. Esiteri 4:16

6. Imana ihinduriramo umuntu: Amaranayo n’Uwiteka iminsi mirongo ine n’amajoro mirongo ine , atarya umutsima atanywa amazi. Uwiteka yandika kuri bya bisate by’amabuye amagambo y’isezerano. Niyo ya mategeko uko ari icumi (Kuva 34:28)

7. Imana isubukura umubano n’abantu: Uwiteka aravuga ati “ Ariko n’ubu nimungarukire n’imitima yanyu yose mwiyirize ubusa, murire muboroge (Yoweli 2:12)
9.Imana ikomeza umuntu no muzabukuru: noneho amara imyaka mirongo inani n’ine ari umupfakazi. Yahoraga mu rusengero aramya Imana yiyiriza ubusa, asenga ku manywa na nijoro. (Luka 2:37)

10. Imana iha umuntu umunezero: Maze kumva izo nkuru ndicara ndarira, mara iminsi mbabaye, niyiriza ubusa nsengera imbere y’Imana nyir’ijuru (Nehemiya 1:4)

11. Imana yungura umuntu ubwenge: Nsenga Uwiteka Imana yanjye, mushakisha Gusenga no kwinginga niyiriza ubusa , nambara ibigunira, nisiga ivu, hano Gaburiyeli yaje kuza azanwe no kungura Daniyeli ubwenge. (Daniyeli 9:3-5)

12. Imana yemera kwingingika: Nuko Ahabu amaze kumva ayo magambo, atanyaguza imyambaro ye yambara ibigunira, yiyiriza ubusa yirirwa aryamye ku bigunira akagenda abebera . (1 Abami 21:27)

13. Imana yungura umuntu ijambo: Amarayo iminsi mirongo ine ageragezwa n’umwanzi. Muri iyo minsi ntiyagiraga icyo arya, nuko ishize arasonza (Luka 4:2-4)

14. Imana ikuraho guseba: Maze ntegekera kwiyiriza ubusa aho ngaho kuri uwo mugezi Ahava, kugirango twicishe bugufi imbere y’Imana yacu, ngo tuyiyoboze inzira idutunganiye twebwe n’abana bacu bato n’ibintu byacu byose (Ezira 8:2)

15. Imana ikiza indwara: Ariko njyeweho iyo barwaraga nambaraga ibigunira,nkababarisha ubugingo bwanjye kwiyiriza ubusa, ngasenga ncuritse umutwe mu gituza (Zaburi 35:13).

Abakristo bakwiye kumenya akamaro kazanwa no kwiyiriza ubusa,bakamenyako mu kwiyiriza ubusa hasenywa imigambi yose satani aba agambiriye kandi hakavubukamo imbaraga zo gukomeza gukora umurimo mwiza twahamagariwe n’umwami wacu Yesu Kristo tudatsinzwe.
Imana itwigishe kuyisenga by’ukuri tutaryarya!.

Ismael @Agakiza.org