"Ijuru ririho kandi rifite ubwiza busumba ibyiza byose tubona ku isi"- Billy Graham

Aya ni amagambo yavuzwe n’ umunyamerika w’ umuvugabutumwa mpuzamahanga "Billy Graham" , yemeza adashikanya ko ijuru ririho kandi ritatswe ubwiza budafite icyo bwagereranwa na cyo mu byo tubona muri iyi si byose. Ni mu gihe abantu benshi bakomeza kuba mu rujijo bibaza niba ijuru ririho koko cyangwa uko ryaba risa?

Billy Graham yandikira igitangarazamakuru The Kansas City Star yagize ati "Bibiliya itwereka neza ko ijuru ririho kandi ko ririmo ibintu bigaragara, bifatika kandi byumvikana. Nta mpamvu dukwiye kugendera ku bigaragazwa n’ ibyuma by’abahanga bo mu isi ( telescopes) kuko byo ntibibasha kubona ijuru. Ijuru riteye ku buryo umuntu atabasha gutekereza, rirenze uko ubwenge bw’abahanga bo mu isi babyiyumvisha"

Graham yakomeje agaragaza ko nubwo abahanga bavumbuye isi, itatse ubwiza tuyibonana, ariko yemeza ko ijuru rifite ubwiza burenze cyane ibyo abahanga babasha kuvumbura.

Agira ati "Ibisobanuro bibiliya itanga byemeza ko ijuru ririmo ibyiza tutigeze kubona mu isi, ubutunzi n’ ubukungu . Abantu ntibakwiye kwibagirwa ko ijuru ari ubuturo bw’ Imana n’ umwana wayo Yesu Kristo ; ko umuntu wese winjiye mu ijuru azabaho ubuzima bw’ iteka"

Billy Graham ashingira kuri bibiliya "rufite ubwiza bw’ Imana. Kurabagirana kwarwo gusa n’ ukw’ ibuye ry’ igiciro cyinshi cyane nk’ ibuye ryitwa yasipi, ribonerana nk’ isarabwayi" - Ibyahishuwe 21:11

Asoza , yemeza ko abizera Imana kandi bemera ko bazajya mu ijuru nyuma yo gupfa, ibyiringiro byabo ari iby’ ukuri nta gushidikanya. Agira ati "uzabaho ubuziraheruzo, kuko Imana yashyizeho inzira yo gukira ibyaha kandi ikanatanga ihumure ryo kuzabaho ubuzima bw’ iteka, ari nayo mpamvu yohereje umwana wayo Yesu Kristo kuducungura".

Nawe uyu munsi utangire wizere ko hari ijuru abizera Imana bazabamo; ahantu hatatswe ubwiza budasanzwe. Icyo usabwa gusa ni ukwihana ibyaha no kwemera kwakira Yesu Kristo nk’ umwami n’ umukiza w’ ubugingo bwawe.

Source: ubugingo.com