Ihumure ritangwa n’Imana/ Pastor Desire HABYARIMANA

“Hashimwe Imana y’Umwami wacu Yesu Kristo ari yo na Se, ari na yo Data wa twese w’imbabazi n’Imana nyir’ihumure ryose. Iduhumuriza mu makuba yacu yose kugira ngo natwe tubone uko duhumuriza abari mu makuba yose, tubahumurisha ihumure twahawe n’Imana”(2Abakorinto 1:3-4)

Hari abantu bafashe Imana nk’ingoma, nk’itagira imbabazi kubera igihe kinini bamaze mu kigeregezo, ayifata nkaho Atari Data wa twese w;imbabazi ariko Pawulo arabihamije mu ijambo tumaze gusoma. Ni Imana nyirihumure ryose.

Umuntu umwe yigeze avugango Imana igira imbabazi ariko ntigira impuhwe, iyo iba igira impuhwe iba indengeye muri iki kibazo. Ariko Bibiliya yavuzengo ni Data wa twese w’imbabazi kandi n’Imana nyirihumure ryose. Iduhumuriza mu makuba yacu yose kugirango natwe tubone uko duhumuriza abari mu makuba, tubaha ihumure twahawe n’Imana.

Ibigeragezo biva ahantu 3

 Hari ibiva kuri satani agamije gusenya imibereho yacu no gusenya umugambi w’Imana kubuzima bwacu: Bene ibi nta mpamvu yo kubibamo kuko Bibiliya ivugango intwali zacu si izo muburyo bw’umubiri ariko imbere y’Imana zigira imbaraga, dusenya ibihome tugafata mpiri n’ibitekerezwa mu mitima y’abantu. Bimwe Imana ibitwereka mu nzozi, ibindi tukabona byatangiye kubaho. Iyo Imana ibitweretse iba igirango dusenge biveho. Bibiliya itubwirako niturwanya satani nawe azaduhunga.

 Ibindi bigeragezo biva mu miterere yacu mibi: Hari ukuntu umuntu aba yararezwe afite ibikomere nawe akajya akomeretsa abandi, murabiziko nta muntu utanga icyo atahawe. Iyo umuntu atahawe urukundo nawe ntazakunda abandi, iyo umuntu atagiriwe imbabazi nawe bizagora kubabarira. Iyo umuntu atahawe umutekano na we azawubuza abandi. Imbuto umuntu abiba nizo azasarura, nukunda kuvuga abandi nawe bazakuvuga ,nusura abandi nawe bazagusura, nukunda abandi nawe bazagukunda. Akenshi iyo dusarura ibyo twabibye turarakara.Nuriganya nawe uzariganwa, nugera kukazi uriganije nawe uzariganwa. Ibigeragezo bimwe biva ku miterere yacu niba ugora abandi nawe bazakugora , wibyita ikigeragezo. Icy’ingenzi ni ugushaka agakiza, ukagira imbuto kuko agakiza katagira imbuto ni ugufana itorero.

 Ikigeragezo cya gatatu ni ishuri ry’Imana: Ni ahantu Imana igushyira kugirango igutoze kuba uwo Imana ishaka ko ubawe. Bibiliya yatubwiyengo iduhumuriza mu makuba yacu yose, kugirango natwe tubone uko duhumuriza abari mu makuba yose. Iyo Imana yemeyeko usonza uyubaha aba ari ukugirango abazasonza nyuma yawe ujye ubagaburira wishimye wibuka aho Imana yagukuye. Iyo Imana yemerako ucyena uyikorera iba igirango abazakena nyuma yawe uzababere ubuhungiro. Mbere yuko usaba Imana igukure mu kigeragezo wakagombye kubaza Imana icyo ishaka kukwigisha muri icyo kigeragezo.

Iyi mibabaro tunyuramo ishobora gusa ikoze ibintu bibiri : Ishobora kugusiga uciye bugufi uri umuntu w’umwizerwa kandi ufitiye Imana icyizere. Kandi ibigeragezo unyuramo nabyo bishobora gutuma wanga Imana warabaye nk’inyeshyamba kuri yo. Ariko Imana iba igirango iguhumurize mu makuba nawe uzabone uko uhumuriza abandi.
Mose nyuma yo kumutoragura yarerewe kwa Farawo, kandi Egiputa yicyo gihe ni nkuko wavuga Amerika y’ubu, bategekagaga isi. Egiputa niyo yigishije abantu kwandika. Mose arererwa kwa Farawo yiga amashuri meza yose yo muri Egiputa. Bigishie Mose nk’umuntu benda kuzagira umwami ariko Imana yo yamuteguragamo undi muntu uhabanye nuwo batekereza. Mose yari umugwaneza cyane kurusha abantu bose bo ku isi, kuko igihe Mushiki we na mwene wabo bamusekaga Mose ngo yarongoye umunyegiputakazi yabasabiye imbabazi ibibembe bibavaho. Imana yarabihanangirije ibabwirako ivugana nabo binyuze mu nzozi ariko Mose bivuganira ambonankubone ariko Imana yemeye kunyuza Mose mubuzima twavugako ari bubi imukuye I bwami muri Egiputa, arahunga ajya kuragira intama nazo zitari ize imyaka mirongo ine, ataba no munzu aba mu ihema mu butayu.

Umva umugambi w’Imana aho Mose yanyuze ahunga ubwo yamaraga kwica wamunyegiputa, ninaho yanyujije Abisirayeli abatahanye mbese yari agiye kunyura inzira azanyuzamo Abisirayeli, uwo niwo wari umugambi w’Imana. Kujya kuyobora Abisirayeli amaze kuba umushumba atakiri umusirikare wa Egiputa biri mu mugambi w’Imana kuko iyo ajya kuyobora Abisirayeli akiri umusirikare yari kubamarisha imigeri. Mwibukeko yigeze kurakara rimwe gusa ahita aniga umunyegiputa, ubwo umuntu urakara kuri urwo rwego yarikuzagezayo bangahe ? Iyo Imana itabanza kumunyuza kuragira intama ubwo yahungaga. Imana imwigishiriza ku ntama iyavunitse akayitwara ku rutugu, iyabyaye akayitwara buhoro, kugirango Imana imukuremo umutima w’igisirikare imushyiremo umutima w’umwungeri uragira intama.

Byageze kurwego rwo guhinduka umugwaneza abyigiye ku ntama, hari ubwo Imana icisha umuntu bugufi kugirango ibanze imwigishe.

Yozefu yavukiye mu muryango mugari ukize kandi yari akunzwe kuko we na Benjamini ise yababyaye nyuma kuri Rasheli mu zabukuru ikindi Yozefu yari afite umutima w’Imana muri we kuko bene se bajya bakora amakosa hanyuma akabarega, ntiyifatanye nabo. Mwibukeko kubana n’ababi byonona ingeso nziza. Iyo utabahinduye bo baraguhindura. Ntabwo ukwiye kujya aho benshi bagiye ahubwo ukwiye kujya aho kristo ari ukagerageza kwera imbuto zikwiriye abakijijwe.

Byageze igihe yozefu Imana imuha impano atangira kubona ibizaba. Mwibukeko Yozefu kugera muri Egiputa atagiye mu modoka cyangwa ifarashi ahubwo yagiye muminyururu kuko yari agurishijwe, mwibukeko n’ikanzu baribayimwambuye yambaye ubusa. Iyo wubashywe utarasuzuguwe wagirango abasuzuguritse bose nibo babyigize. Yozefu yagiye muri Egiputa afite imyaka kumi n’itandatu yari agikeneye kubona urukundo rwa se kuko nyina yari yarapfuye ariko ahita atangira umubabaro, aba umugurano ajya kwa potifari umugurano iyo apfuye ntaburanwa ni nkuko wagura isafuriya ku isoko hanyuma igasaza.

Yozefu yavuye aho ajya muri gereza aribagirana ariko naho yakomeje kuba umwizerwa, yahavuye ajya gusobanura inzozi zananiranye ajya ibwami, uwo munsi umubera umunsi wo kuzamurwa, wo guhumurizwa burundu. Ibintu byose Yozefu yabonye umunsi umwe ntabwo yaribuzabikorere abibone kuko iyo Imana igukereje iragutegera.

Imana yamuhumurije mu makuba kugirango nawe azahumurize abari mu makuba, abaha ihumure yahawe n’Imana. Yozefu yasonzoye ibihugu hafi ijana na makumyabiri kuko igitekerezo yatanze cyo guhunika imyaka cyatumye ibihugu byinshi biyoboka Egiputa mu gihe cy’inzara ndetse na bene se bamwe bamugurishije bashaka kumwica hiyongereyeho na se.

Ntabwo Yozefu yagize inzika kuko yari azi neza ko Imana yemeye kumunyuza mu nzira igoye ngo imuhumurize azabone uko ahumuriza abandi.Niba ushaka ihumure ry’Imana usabwa kubanza kuba umwana w’Imana.

[email protected]