“Icyabyawe n’umubiri ni umubiri, n’icyabyawe n’umwuka ni umwuka.’ Aha Yesu yashakaga kuvuga iki ?

“Yesu aramusubiza ati “Ni ukuri, ni ukuri, ndakubwira yuko umuntu utabyawe n’amazi n’Umwuka atabasha kwinjira mu bwami bw’Imana. Ikibyarwa n’umubiri na cyo ni umubiri, n’ikibyarwa n’Umwuka na cyo ni umwuka.”(Yohana3:5-6)

Tugendeye kuri aya magambo, Umwami Yesu yatwigishije ibintu byinshi bikwiye kuba urufatiro rwo kwizera. Aya magambo arirukana ibintu byinshi abenshi muri twe twizera, maze tubeho ubuzima bw’umudendezo muri Yesu kristo.

Amagambo y’Umwami Yesu arasobanurako icyo kuvuka ubwa kabiri ari cyo:

Abenshi muri twe tugira imyumvire itariyo ku kuvuka ubwa kabiri. Abenshi muri twe dutekerezako ari ukwihana ibyaha byonyine, abandi bagatekereza ko ari uguharanira kubaho ubuzima bushya, abandi bakumva ko ari ukajya mu itorero rya gikristo,….

Ibi bitekerezo byose birasobanura icyo kuvuka ubwa kabiri ari cyo, ariko si byo bituma tuba abavutse ubwa kabiri:
• Kwihana bivuga kureka gukora ibyaha, ariko ntibihagije.
• Guharanira kubaho ubuzima bushya nta mwuka w’Imana, biduha ubushobozi bwo guhinduka, ariko si ukuvuka bwa kabiri.
• Guhindura ukajya mu itorero rya gikristo ntibivuze kuvuka ubwa kabiri
Ahubwo kuvuka ubwa kabiri tugendeye ku magambo ya Yesu Kristo, bisaba Umwuka w’Imana, kuko “icyabyawe n’Umwuka cyiba ari umwuka”.

Dore icyo iyi mvugo isobanuye:

Kuvuka bundi bushya si ku bw’umubiri cyangwa kubw’ubushake bw’umuntu

Imbaraga z’Umwuka wera nizo zonyine zikugira umukristo . Mu by’ukuri nta muntu ushobora kuvuka ubwa kabiri kubw’ uburyo busanzwe bw’umubiri, ahubwo umwuka ni wo ushobora kutubyara tukabaho ubuzima bw’Umwuka.

Isano tugirana n’Imana izanwa gusa n’Umwuka wera

Umwuka wera w’Imana ni wo udushoboza kugira ubusabane n’Imana. Yohana 4:24 hatubwirako Imana ari umwuka, n’abayisenga bakwiye kuyisengera mu mwuka no m’ukuri, atari mu mubiri. Umwuka w’Imana udutera kuvuka bundi bushya , utwemerera kuba abantu Imana yitaho.

Niba kuvuka bushya ari mu mwuka, gukura mu buzima bw’umwuka na byo bituruka k’Umwuka.

Gukura mu by’Umwuka bituruka gusa ku kubaha Umwuka Wera. Ni wo wonyine utuma dukura, maze tukera imbuto z’Umwuka Wera zigaragara mu b’Agalatiya 5:22-23. Ntitwakwihatira ubwacu kwera izi mbuto, kuko ari imbuto tuzera tumaze kwizera Yesu Kristo.

Niba tuvuga ko turi abagenzi bajya mu ijuru, dukwiye kuvuka ku bw’Umwuka ,tugakura mu mwuka kugira ngo tuzabashe kwinjira mu bwami bwo mu ijuru.

Sophie @agakiza.org