Ibintu 7 buri mukiristo akwiye ku menya ku ijuru

Mbere yuko ikiremwa muntu gicumura ku isi hari kimwe nko mu ijuru. Nyuma yo kurema ,Imana yitegereza ibyo yaremye byose ibona ari byiza(Itangiriro1:31)

Imana yaremye Adamu na Eva ibashyira muri paradizo ariko bamaze gucumura bayivamo, hanyuma Imana ibirukana muri Edeni bajya guhinga ubutaka bavuyemo(Itangiriro3:23), ubutaka buravumwa. Batakaje amahirwe yo kubaho badapfa(itangiriro1:17) , nta numwe wigeze urya ku giti cy’ubugingo. Icyaha cyazanye urupfu ku kiremwa muntu.

Byasabye Imana gukoresha izindi mbaraga kugirango icungure umuntu . Byasabye amaraso y’umwana wayo kugirango yunge umubano warumaze gutakara hagati y’Imana n’umuntu, yitaga kuba igitambo n’imbongano z’ibyaha.Ubugingo bwabonetse ubwo Yesu yabambwaga ku musaraba I Karuvali.

1. Ijuru ribaho, rirafatika

Abantu benshi bafite imyizere itariyo ku bwami bw’ijuru nyuma y’ubuzima bwo ku isi. Abandi biyumvishako ari ahantu humworera mu kirere. Abandi batekerezako ari ahantu ibiremwa by’umwuka bidafatika biba.

Ariko hari ukuntu ibyanditswe bivuga, Yesu yabwiye abigishwa be ko hari ahantu agiye kubategurira . Intumwa Petero yanditse ku ijuru n’isi, Imana yaremye. Mu gitabo cy’Ibyahishuwe hatubwirako n’ ijuru ririmo ibintu bifatika: amafarashi, ibiti, urusengero, umujyi mwiza utangaje (Ibyahishuwe 15:8, 19:14, 22:2).
Buri mwizera wese afite intumbero yo kuba mu bwami bwo mu ijuru. Niba ibi bintu byavuzwe aribyo bizaranga ijuru bishobora gutuma buri muntu wese yakagize ishyaka n’umwete n’inyota byo kujyayo.

2.Ntabyaha bizaba mu ijuru

Kimwe mu bigomba kuzaranga ijuru, nta gucumura ukundi, imirimo ya kamera izaba itagifite agaciro. Buri kiremwa cyose kizahindurwa kuburyo kitazabona ububasha bwo gukora ibyaha.

Bibiliya iravugango “Muri rwo ntihazinjiramo ikintu gihumanya cyangwa ukora ibizira akabeshya, keretse abanditswe mu gitabo cy’ubugingo cy’Umwana w’Intama. ” (Ibyahishuwe 21:27).

3. Nta kubabara ukundi mu ijuru

Bibiliya iravuga ngo “Izahanagura amarira yose ku maso yabo kandi urupfu ntiruzabaho ukundi, kandi umuborogo cyangwa gutaka cyangwa kuribwa ntibizabaho ukundi kuko ibya mbere bishize.”

Pawulo yemeye kubabazwa mu buzima bwo mu isi kuko yaraziko umubabaro wo mu isi udakwiye kugerenywa n’ubwiza bwo mu ijuru. Mbonye yuko imibabaro y’iki gihe idakwiriye kugereranywa n’ubwiza tuzahishurirwa.

4. Nta rupfu ruzaba mu ijuru ukundi

Mu bwami bw’ijuru nta rupfu ruzabayo kuko urupfu ubwarwo ruzaba rwatsinzwe, “Izahanagura amarira yose ku maso yabo kandi urupfu ntiruzabaho ukundi, kandi umuborogo cyangwa gutaka cyangwa kuribwa ntibizabaho ukundi kuko ibya mbere bishize.” (Ibyahishuwe21:4)

“ Ariko uyu ubora numara kwambikwa kutabora, n’uyu upfa ukambikwa kudapfa, ni bwo hazasohora rya jambo ryanditswe ngo “Urupfu rumizwe no kunesha.” “Wa rupfu we, kunesha kwawe kuri he? Wa rupfu we, urubori rwawe ruri he?” (1abakorinto15:54-55)

5. Ntakurira kuzabayo

“kandi urupfu azarumira bunguri kugeza iteka ryose. Uwiteka Imana izahanagura amarira ku maso yose, n’igitutsi batuka ubwoko bwayo azagikura ku isi hose. Uwiteka ni we ubivuze” (Yesaya 25:8)

“ kuko Umwana w’Intama uri hagati y’intebe y’ubwami, azabaragira akabuhira amasōko y’amazi y’ubugingo, kandi Imana izahanagura amarira yose ku maso yabo.” (Ibyahishuwe7:17)

Ubara kurorongotana kwanjye, Ushyira amarira yanjye mu icupa ryawe, Mbese ntiyanditswe mu gitabo cyawe? (Zaburi 56:9)

6. Nta karengane kazaba mu ijuru

Abizera benshi bigeze bicwa bizira imyizerere yabo mu binyejana byabanjirije mu myaka 2000 ishije, Akarengana kazarangizwa n’ubwami bw’ijuru.
Yesu yavuzeko Hahirwa abarenganyirijwe gukiranuka, Kuko ubwami bwo mu ijuru ari ubwabo. (Matayo5:11)

7. Ntazara izabaho ukundi mu ijuru

Mu mwaka 2012 i kigo cy’Abanyamerika gishinzwe guteza imbere ibiribwa n’ibikomomoka ku buhinzi, cyakoze ubushakashatsi bugaragaza ko kimwe cya karindwi(1/7) cy’abatuye isi bajahajwe n’inzara abandi bafite imirire mibi. Abantu bagera kuri miriyali ku isi bicwa n’inzara kandi abenshi ni abana .

Bibiliya ivuga neza ko inzara itazagira iba mu bwami bw’ijuru kandi mu ijuru nta ni nyota izabayo. (Ntibazicwa n’inzara ukundi, kandi ntibazicwa n’inyota ukundi kandi izuba ntirizabica cyangwa icyokere cyose. Ibyahishuwe 7:16)

Igihe ni iki ejo ni kera “Kandi umuntu wese utabonetse ko yanditswe muri cya gitabo cy’ubugingo, ajugunywa muri iyo nyanja yaka umuriro” (Ibyahishuwe 20:15)
Ese ufite urugendo rujya mu ijuru ? Nkwifurije kuzaba aho hataba umubabaro , aho kuganya kutaba., aho kurira kutazibukwa ukundi, abaho bose bahora mu birori banezerewe.

Niba utarihana ,bwira Imana ko uyikeneye mu ntege nke zawe, uyinginge ku bw’imbabazi zayo.

[email protected]