Ibintu 3 twakigira kuri Yohana, intumwa yakundwaga cyane na Yesu

Yohana wakundwa na Yesu nawe yari ahagaze hafi y’umumsaraba ubwo Yesu yabambwaga ku Musaraba.

Umubano w’intumwa za Yesu wagiye uhinduka kuba mwiza. Usibye kubera Yesu intumwa, banamubereye nk’abavandimwe, bahinduka inshuti ze magara kugera aho nk’umwe witwaga Petero byageze aho yatura n’akanwa ke ko adashobora kuzigera yihana, gusa kubw’umubiri n’amaraso umuntu akozwemo biganisha ku ntege nke, byarangiye Petero yihakanye Yesu inshuro 3. Nubwo bose bari bafitanye umubano mwiza na Yesu ariko Yohana we yari umutoni cyane kurusha abandi bose kuko wasanganga yicaye bugufi bwa Yesu kandi mu gituza cye kuko na Bibiliya ibihamya.

“Nuko Yesu abonye nyina n’umwigishwa yakundaga ahagaze bugufi, abwira nyina ati “Mubyeyi, nguyu umwana wawe.” Yohana 19:26

Ibi ni bimwe mubyo twakigira kuri Yohana , intumwa yakundwaga na Yesu cyane:

1. Ubushuti na Yesu bukwiye kwiyongera no mu bihe bikomeye

Mu ntumwa zose za Yesu, Yohana niwe wenyine wabashije kugera I Karuvari, abona Yesu abambwa, apfira ku musaraba. Niyo mpamvu Yesu yamubonye ari kumwe na mama we (Mariya)(Yohana 19:26-30)

Mubihe bye bya nyuma Yesu agerana na Petero na bene Zebedayo bombi ahitwa i Getsemani, arababwira ati “Nimube mwicaye aha nigire hariya nsenge.” atangira kubabara no guhagarika umutima cyane, Maze arababwira ati “Umutima wanjye ufite agahinda kenshi kenda kunyica. Mugume hano, mubane maso nanjye.”(Matayo 26:36-37)

Nubwo kubana maso nabo byabananiye ariko Yohana yabanye nawe kugera ku munsi wanyuma Yesu abambwa ubwo izindi ntumwa zari zagiye kubera ubwoba.
Yohana yagendanye na Yesu uhereye igihe yatoranywaga nk’intumwa, ajyendana na Yesu abasha kwitegereza ibihe byose Yesu yanyuzemo ari ibi n’ibyiza. Abona Yesu agaburira abantu ibihumbi, akiza indwara, yubahwa n’abantu benshi.
Yohana yomatanye na Yesu mu bihe bibi n’ibyiza, kubw’ibyo agirana nawe ubushuti atigeze agirana n’abandi.

Dushobora gukura iyo twifatanyije na Yesu ntiturambirwe no mu bihe by’akaga gakomeye mu buzima bwa buri munsi, twaba twishimye cyangwa tubabaye.

2. Kubana n’Imana bituma turonka byinshi biyiturutseho

Mu gitabo cya Luka 12:48, Yesu ubwe yaravuze ngo “Ariko uwari utabizi agakora ibikwiriye kumuhanisha, azakubitwa nkeya. Uwahawe byinshi wese azabazwa byinshi, n’uweguriwe byinshi ni we bazarushaho kwaka byinshi.”
Yohana yari umunyehirwe kuko yahoraga bugufi bwa Yesu. Kuba bugufi bwa Yesu no kugirana ubusabane na we byamwunguye byinshi.

Ibi ni bimwe mubyo Yohana yungutse:

•Yahawe nyina wagombaga kwitaho na we akamwitaho: (Nuko Yesu abonye nyina n’umwigishwa yakundaga ahagaze bugufi, abwira nyina ati “Mubyeyi, nguyu umwana wawe.” Yohana 19:26-27)
•Yigize amahirwe yo kwerekwa ibyenda kuba no kubitangaza: (1Ibyahishuwe na Yesu Kristo, ibyo Imana yamuhereye kugira ngo yereke imbata ze ibikwiriye kuzabaho vuba, agatuma marayika we na we akabimenyesha imbata ye Yohana .Uhamya ibyo yabonye byose, ari ijambo ry’Imana no guhamya kwa Yesu Kristo.,Ibyahishuwe 1:1-3)
•Yahawe inshingano zo gutuma buri wese amenya ibizaba mbere yuko Yesu aza: (Kandi arambwira ati “Amagambo y’ubuhanuzi bw’iki gitabo ntuyazigame ngo uyagire ubwiru, kuko igihe kiri bugufi ,Ibyahishuwe 22:10-21)

Ubusabane tugirana n’Imana tuzabwungukiramo byinshi tudashobora gutekereza
" Ariko nk’uko byanditswe ngo “Ibyo ijisho ritigeze kureba, N’ibyo ugutwi kutigeze kumva, Ibitigeze kwinjira mu mutima w’umuntu, Ibyo byose Imana yabyiteguriye abayikunda." (1 Abakorinto 2:9)

Yohana yegeranyije umugambi Yesu yari afite, avuga uko agakiza kagombaga kugera ku bantu (Yohana 3:16-21), (Yohana 19:30).

Niwomatana na Yesu kristo, uzunguka ubwenge n’amahoro bimuturukaho.

[email protected]