Ibimenyetso biranga umukristo usinziriye cyangwa wasubiye inyuma. Ev. Osee

GUKANGUKA MU BURYO BW’UMWUKA (LE REVEIL SPIRITUEL) (Igice cya mbere)

Bavandimwe, nshuti z’Imana, mu rwego rwo kuganira ijambo ry’Imana no guhugurana kuri uru rubuga ; Imana yashyize ku mutima wanjye ijambo ryayo rijyanye no « Gukanguka mu buryo bw’Umwuka ari byo bita mu Gifaransa « Réveil spirituel » mu Cyongereza ho bakavuga ngo ni « Spiritual revival ». Ariko rero kugira ngo tubashe kumva neza icyo « Gukanguka mu buryo bw’Umwuka » ari cyo ; turi buze kwifashisha igitabo cya Nehemiya igice cya munani. Ndagira ngo na none nongere mbabwire ko ari byo abantu bakunze kwita « Ububyutse » naho mu rurimi rw’Igiswahiri ho bavuga ngo ni « Uamusho ». Reka dusome ijambo ry’Imana riri mu gitabo cya Nehemiya 8 :1-6. Mbere yuko tugira icyo tuvuga reka tubanze twumve icyo « Ububyutse » busobanura muri rusange. Kuva kera Imana yahamagariye abantu kuba mu buzima bw’ububyutse ndetse n’abagaragu b’Imana bagerageje kubikangurira abantu kuko ari ho honyine tubasha kubonera Imana no gusabana na yo.

Dore uko bamwe mu bagaragu b’Imana bavuze ku bijyanye n’ububyutse. Uwitwa Campbell yaravuze ati : « Ububyutse si ikintu kigenderwa inama cyangwa ngo gihatirwe umuntu, ahubwo icyo dusabwa ni ukwinjira mu bihe byo gusenga kugira ngo tubashe kwakira umuyaga w’Imana iramutse yongeye kuwuhuha ku bwoko bwayo. ». Naho uwitwa Andrew Murray we yaravuze ati : « Ububyutse nyakuri ni impinduka ikomeye (une vraie révolution) yimura umwuka w’isi ikongera ikimika Kristomu mitima yacu. »Mu ntangiro z’ikinyejana cya makumyabiri ahagana mu mwaka w’ 1904 habaye ububyutse bukomeye cyane ahitwa mu bihugu bya Galles maze insengero zuzura abayoboke, mu runywero no mu tubyiniriro abakiliya barabura ahinduka ahantu ho gukorera inama ; imitima y’abantu yaka umuriro wo gushaka Imana. Erega icyaduha natwe ngo ububyutse nk’ubwo ngo bubeho mu mitima yacu, mu ngo zacu, mu matorero yacu, mu gihugu cyacu no mu biyaga bigari ndetse no muri Afurika yose. Icyaduha ngo Imana yuzuze insengero zacu abagabo n’abagore bafite inyota y’ijambo ry’Imana, bakunda Imana ndetse bafite wa mutima wari muri Kristo Yesu reba Abafilipi 2 :5. Ububyutse babaho iyo Imana yagendereye ubwoko bwayo ikongera ikabuha ubugingo bushya.Dore impinduka zibaho iyo Imana yagendeye ubwoko bayo :

1. Umuntu abasha kumva neza ukubaho kw’Imana no kwera kwayo (éprouver un vif sentiment de sa présence et de sa sainteté),
2. Umuntu akiyumvamo kuba adakwiriye (un profond sentiment d’indignité),
3. Umuntu yumva ashaka kwezwa (un pressant désir d’être purifié),
4. Umuntu akumva yongeye kuvugurura urukundo akunda Imana, ijambo ryayo, n’ubwoko bwayo (un amour renouvelé pour Dieu, pour sa Parole, pour son peuple),
5. Umuntu yumva afite umuriro waka muri we wo guhamya urukundo rwa Kristo mu bandi ( un élan irrésistible de témoigner de l’amour de Jésus autour de nous).
Ni bande bakwiriye kwigishwa iby’ububyutse ?

Muri rusange umukristo wese akwiriye kuba mu buzima bw’ububyutse atajegajega ngo asubire inyuma kuko iyo tutari mu bubyutse ; Satani ahabonera urwaho akaba yatugabaho ibitero kandi kuneshwa kwacu kuza kwihuse kuko tuba tudafite imbaraga zikwiriye. Ariko rero abakwiye kubwirwa no gusengerwa ni aba bakurikira :

- Abakristo bose basinziriye mu nzira batakaza intego;
- Abakristo bagabanyije umuvuduko mu nzira ijya mu ijuru;
- Abakristo batagishaka kumva iby’Imana n’ijambo ryayo ndetse batacyerekwa n’umurimo wayo;
- Abakristo bose batagikunda Kristo nka mbere hose.

Ese mwaba muzi aho ububyutse buhera ndetse n’aho bwagiye butangirira mu bihe bya kera?Ni mu masengesho. Ikintu cya mbere Imana ikora iyo ishaka kuzana ububyutse mu bantu, ibanza kuzana abantu bayo ku mavi kugira ngo basenge cyane maze bakangurwe mu buryo bw’Umwuka.

Mu rwandiko Pawulo yandikiye abantu b’i Roma ashaka ko basenga bakinjira mu bihe byo guhemburwa aragira ati :

Abaroma 13 :11-12 Nuko mujye mugenza mutyo,kuko muzi yuko igihe cyo gukanguka gisohoye rwose. Dore agakiza kacu karatwegereye kuruta igihe twizereye. Ijoro rirakuze burenda gucya. Nuko twiyambure imirimo y’umwijima, twambare intwaro z’umucyo…

Reka nkwibarize mwene Data, ese waba uri mu bihe byo guhemburwa cyangwa uri mu bihe by’ubukonje ? Waba uri mu bihe by’ishyaka ry’umurimo w’Imana cyangwa waba warabivuyemo ? Waba ugifite wa muvuduko watangiranye cyangwa se wacitse intege ?Dore ikintu ugomba kumenya : Guhemburwa mu buryo bw’Umwuka n’iby’umuntu wese ku giti cye ndetse n’itorero muri rusange. Intego yabyo ni ukugira ngo itorero ry’Imana ryongere ryisubizwe mu bihe byo kwezwa n’ubwiza, ishyaka n’imbaraga z’Umwuka bitume tubasha gushyikira imyumvire iduhesha kumva urukundo rw’Imana kuri twe maze duhereko dukunda bagenzi bacu.

Hariho ibimenyetso bitatu by’ingenzi biranga ububyutse nyakuri nkuko tubisoma mu gitabo cya Nehemiya igice cya munani. Muri iki gice cya mbere cy’inyigisho, ndagira ngo mbagezeho ikimenyetso cya mbere ari cyo :
1. Kugira umwete wo gushaka Imana (Nehemiya 8.1-6);

Maze abantu bose bateranira icyarimwe ku karubanda ku irembo ry’amazi, babwira Ezira umwanditsingo azane igitabo cy’amategeko ya Mose, ayo Uwiteka yategetse Abisirayeli.Nuko ku munsi wa mbere w’ukwezi kwa karindwi, Ezira umutambyi azana amategeko imbere y’iteraniro ry’abagabo n’abagore, n’abantu bose bajijutse. Ayo mategeko ayasomera ku karubanda ku irembo ry’amazi, ahera mu gitondo kare ageza ku manywa y’ihangu, abagabo n’abagore n’abandi bantu bajijutse bari bari aho. Bose bari bateze amatwi ngo bumve igitabo cy’amategeko.

Nuko Ezira umwanditsi ahagarara ku ruhimbi rw’ibiti rwabarijwe uwo murimo,iruhande rwe mu kuboko kw’iburyo hahagarara Matitiyana Shemana Anaya,na Uriya na Hilukiyana Māseya. Ibumoso hahagarara Pedayana Mishayelina Malikiya,na Hashumuna Hashibadanana Zekariyana Meshulamu.Nuko Ezira aramburira igitabo imbere y’abantu bose (kuko yari abisumbuye),maze akirambuye abantu bose barahaguruka. Ezira ashima Uwiteka Imana nkuru. Abantu bose barikiriza bati “Amen,Amen”. Batega amaboko,maze bubika imitwe baramya Uwiteka bubitse amaso yabo hasi.

Imirongo itandatu ya mbere iduhishurira uburyo ubwoko bwa Isirayeli bwari bufite inyota idasanzwe yo gushaka Imana. Maze abantu bose bateranira icyarimwe ku karubanda ku irembo ry’amazi, babwira Ezira
Umwanditsi ngo azane igitabo cy’amategeko ya Mose, ayo Uwiteka yategetse Abisirayeli. Hariho ikintu gitangaje, mu myaka ya mbere, Ezira yari yarigishije amategeko y’Imana i Yerusalemu ariko ntabwo abantu bari barigeze babihagurukira no kubyitabira nkuko byari bimeze kuri uwo munsi. Nyamara ni we wabahamagaraga kandi niwe babasabaga kwiga amategeko y’Imana ariko kuri uyu munsi ibintu byari byahindutse kuko hagaragayeibihe by’ububyutse bukomeye. Hano,
a. Abantu ni bo bihatiye guteranira icyarimwe ku karubanda ku irembo ry’amazi ni ukuvuga ko bahateraniye bose ntabwo byabaye iby’abantu bamwe cyangwa bake ahubwo ni bose.
b. Ni bo bisabiye Ezira kuzana igitabo cy’amategeko ya Mose, ayo Uwiteka yategekeye Abisirayeli.

Ntabwo Imana ishobora kuzana ububyutse nyakuri mu bantumu gihe bavuga ngo bakunda Imana ariko badakunda Ijambo ryayo. Bisa no kubwira umukunzi wawe ngo: « Ndagukunda,ndagukunda, ndagukunda ariko ukongeraho ngo nyamara ntabwo nifuza kukumya kandi nta nyota ngira yo gusoma inzandiko zawe…» Ese twaba dufite inyota yo kumenya Imana n’ijambo ryayo? Ese twaba twifuza guhura n’Imana? Mu mwuka umwe no mu bumwe bwacu twaba twifuza gushaka mu maso h’Imana?Mu gitabo cy’Ibyakozwe n’Intumwa 4 :32 haravuga ngo : « Abizeye bose bahuzaga umutiman’inama” .Naho ku mirongo ya 2 no ku wa 3 y’icyo gitabo cya Nehemiya, havuga koabagabo n’abagore n’abantu bose bajijutse ndetse n’abana bari aho uhereye mu gotondo cya kare ukageza ku manywa y’ihangu kandi bose bari bateze amatwi ngo bumve igitabo cy’amategeko. Ni gute wasobanura inyota yo gushaka Imana ingana ityo?Byatewe nuko Imana yari imaze gukora umurimo ukomeye cyane mu maso yabo. Inkike z’i Yerusalemu zari zarasenywe n’Abanyababuloni ahagana mu mwaka wa 586 M.K. kandi hari hashize imyaka iri hafi y’i 141 ni ukuvuga ngo hafi ikinyejana n’igice mu buryo nta muntu wari warabashije gusana izo nkike. Mu by’ukuri, umurwa wa Yerusalemu wari warasenyutse mu buryo bukomeye. Nyamara Imana yohereza umugabo witwa Nehemiya ari nawe wasanye inkike mu gihe cy’iminsi mirongo itanu n’ibiri nubwo yahuye n’intambara ikomeye y’abamurwanyaga.

Ni ko bisanzwe n’uyu munsi, abakozi b’Imana bahura n’intambara zikomeye nyamara ntabwo zituma umurimo w’Imana udatera imbere soma Yobu 42 :2.Abantu babonye Imana ikora umurimo bituma barushaho kuyimenya no kumenya ijambo ryayo.
Kubona Imana ikora umurimo: Uru ni urufunguzo rutwinjiza mu bihe byo guhemburwa! Nyamara ni gute twabona Imana ikora tutari mu bihe byo gusenga ngo twemere guhemburwa ndetse ngo dusabe Imana kutwiyereka?Akenshi ibitekerezo byacu binyuranye n’iby’Imana ariko iyo dushatse Imana by’ukuri, iyo twemeye gukora iby’Imana idutegeka byose ibasha kutwiyereka no kutwinjiza mu bihe by’ububyutse bituma dusabana na Yo.Umurongo wa 6 uvuga ngo nuko « Abantubose barikiriza bati “Amen,Amen”. Batega amaboko, maze bubika imitwe baramya Uwiteka bubitse amaso yabo hasi nk’ikimenyetso cyo guca bugufi no kuyiramya.Mu gusoza rero, tugomba kumenya ko ikimenyetso cya mbere kigaragaza ko twinjiye mu bihe by’ububyutse ni uko dushaka mu maso h’Imana ; tukagira inyota y’ijambo ryayo ; tugatega amatwi dushaka kumva icyo Imana itubwira maze tugaca bugufi tuyiramya.

Iri jambo ry’Imana murigejejweho na Evangéliste RUGAGAZA MUHIMA Osée Tél: 0788672964/ Tigo : 0722672964. E-mail : rugagaza 2000@ yahoo.fr).