Hari icyo waba uzi ku ba mediyani?

Abrahamu yari afite abahungu biyongera kuri Isaka (kuri Sara) na Ishmael (kuri Hagari). Yari afite abahungu batandatu kuri Ketura, umugore yashatse nyuma y’uko umugore we Sara apfuye aribo: Zimurani, Yokishani, Medani, Midiani, Yishibaki, na Shuwa (itang 25:2). Abamidiani ni urubyaro rukomoka kuri Midiani umuhungu wa Abrahamu, mbese ni abuzukuru be. Bari batuye mu bihugu by’iburasirazuba (itang 25:6).

Igihe Mose yahungaga umujinya wa Pharaon, yagiye i Midiyani (kuva 2:15). Agezeyo, Mose yaharongoye umugore witwa Zipora, maze akorera sebukwe Yetiro, aba umushumba w’amatungu ye imyaka mirongo ine. Kuba Yetiro yari umutambyi w’i Midiyani (kuva 2:16) byerekana ko Abamidiyani byibura mu gihe cya Mose bari bakibuka Imana ya se Abrahamu (kuva 18). Igihe Mose yarimo soza iminsi ye i Midiyani, Imana yaramubonekereye i Midiyani imuha inshingano gukura abisrael mu buretwa bwo muri Egiputa (kuva 3—4).

Igihe abisrael bajya kugenda inzira y’ubutayu bajya I Canaan,Mose yasabye Hobabu, muramu we w’umumidiyani, ko bajyana akajya abafasha kubamba amahema (kubara 10:29). Hanyuma rero uyu mubano w’Abamidiyani n’Abisrael watangiye kuzamo ikibazo aho Abamidiyani bahuje imbaraga n’abamowabu ngo boshye Balaamu avume abisrael (kubara 22). Hanyuma, igihe Israel iyobejwe na Bayari y’i Pewori ndetse bakanasambana n’abagore b’Abamowabu (kubara 25), Harimo n’umugore w’umumidiyanikazi (kubara 25:6). Nicyo cyatumye Uwiteka abwira Mose ati “Girira Abamidiyani nk’ababisha ubice, kuko biyerekanishije ko ari ababisha banyu kubohesha uburiganya mu by’I Pewori no kubya Kozibi mushiki wabo, umukobwa w’umutware w’Abamidiyani wishwe ku munsi wa mugiga, yazanywe n’iby’I Pewori” (kubara 25:17–19). Maze Abisrael batera Abamidiyani kuko bari bamaze kuba abanzi babo (kubara 31). FAbami batanu b’Abamidiyani baricwaive, ndetse na Balaamu apfira muri iyo ntambara (kubara 31:8). Urwo rugamba nirwo rwabaye urwanyuma Mose ari umuyobozi w’Abisrael.

Mu gihe cy’abacamanza, “Abamidiyani, Abamaleke n’andi moko y’iburasirazuba bakabatera bakanabasiribangira imyaka (Abac 6:3). Abamidiyani bakensheje Abisrael cyane maze batakambira Imana”. Imana yumva gutaka kwabo ibahagurukiriza Gideyoni ngo ababere umutabazi. Hamwe n’abantu Magana atatu gusa, Gideyoni anesha ingabo z’Abamidiyani nubwo zarutaga umusenyi wo ku nyanja ubwinshi. Imana yarabarwaniriye ibaha gutsinda Abamidiyani.

Amatka y’Abamidiyani asa n’arangirira aha nkuko biblia ibigaragaza gusa twongera kubabona muri (zab 83:9; na Yesay 10:26) aho bagaragaza uko Imana yatanze intsinzi y’abisrael ku bamidiyani. Ahandi ni mu buhanuzi bwahanuriraga igihugu cya Israel kuza kw’ubwami bwa Mensiya “Amashyo y’ingamiya azakudendezaho, ingamiya nto z’I Midiyani n’iza Efa. Zose zizaba ziturutse i Sheba, zizaba zihetse izahabu n’imibavu zerekana ishimwe y’Uwiteka” (Yesay 60:6).
BYIRINGIRO Jean Dominique