GUSENGERA IMANA MU MWUKA NO MU KURI / Ev.Jean Baptiste Masengesho.

Gusenga k’umukiranutsi kugira umumaro mwinshi, iyo asenganye umwete.Yak 5:16

[23]Ariko igihe kiraje ndetse kirasohoye, ubwo abasenga by’ukuri basengera Data mu Mwuka no mu kuri, kuko Data ashaka ko bene abo ari bo bamusenga."Yohana 4:21-23".

Ubundi Gusenga:ni imwe mu ntwaro 7 z’Imana Pawulo yabwiye Abefeso.6:10-18.

Iyi ni intwaro irasa kure ariko icyo irashe gishobora gupfa bitinze waba utakiri muri Jumer (igikoresho bakoresha bareba kure) ntubimenye"
Iyi Ntwaro yo Gusenga biragoye kubwira Umuntu wize amategeko y’igisirikare cy’isi ngo ayirwanishe Imbere y’umwanzi Ariko abize Igisirikare cya Yesu tuyirasisha kure.

N.B: Ntibyoroshye kubwira Umusirikare w’isi ngo Arwanishe Ibibindi, imuri, amakondera imbere y’umwanzi ufite intwaro ziremereye ariko twibukeko zasenye Yeriko. Kuko Pawulo yavuze ngo Intwaro z’intambara yacu si izo mu buryo bw’abantu ,ahubwo imbere y’Imana zigira imbaraga zo gusenya ibihome no gukubita hasi... 2 AKorinto.10:4-5.

Abantu benshi kandi bibaza Uburyo buboneye bwo Gusenga cg Umuntu Ukwiye gusenga ari inde ?.

Yakobo yaduhaye Igisubizo cy’Umuntu ukwiye Gusenga aho yatubwiye ko hakwiye gusenga" UMUKIRANUTSI"Hanyuma Abantu benshi bakibaza bati "UMUKIRANUTSI" ni muntu ki ? Mbese ni Umuntu udacumura ?

Igisubizo *Hoya*nta muntu udacumura.

"Umukiranutsi"

1.Si Umuntu udacumura ahubwo :ni uwimenyaho Gucumura kwe! Urugero Dawidi yihana Zaburi. 51:1-, Natani amaze kumuhanurira Iby’agatama. 1 Abami. 8:38. Bisobanura Gusambanya Batisheba/Muka-Uriya.

2. Ni umuntu usengera Imana mu mwuka no mu kuri. Yoh. 4:23.

3. Ni Umuntu ugira agahinda k’ibyaha bye agahora ashaka kubabarirwa.

Bibliya rero iratubwiye ngo Gusenga k’umukiranutsi kugira "umumaro mwinshi" iyo Asenganye umwete.

Abantu benshi bafata amasengesho y’igihe kirekire,bakibuza ibiryo ariko bagasenga Isengesho ntirirenge n’igisenge cy’inzu kuko basenganye Ibyaha n’izindi nzitizi.

Naratangaye ngo "Hari abantu bajya Gusenga bagasabira Ibyago abanzi babo !!

Gusenga nk’uku si Ugusenga kugera Ku Mana.

N.B: Gusenga kose ni ugusenga ariko Gusenga kose siko kugera Ku Mana. Kuko hari abasenga ibyo batazi

N.B: Ubundi dufite Malayika Utwara amasengesho y’Abera. Mbere yo kuyatwara abanza kuyayungurura kuko tutazi Gusenga Uko bikwiye

(Rom 8:27:kandi Irondora imitima izi ibyo Umwuka atekereza, kuko Umwuka asabira abera nk’uko Imana ishaka

Ubundi hari Amasengesho arya Imana mu matwi cyangwa twakwita amasengesho atagira Umumaro.

1. Isengesho ry’Umunyabyaha.: Bibiliya iravuga ngo ni Ikizira k’Uwiteka. N.B: Isengesho ry’Umunyabyaha Imana yumva ni Uwihana ibyaha.

2. Amasengesho yo Kuvuma abantu: Biblia iravuga ngo Guhora ni uk’Uwiteka Ahubwo dusenge abantu Bavirwe n’umucyo w’ijambo ry’Imana.

3. Amasengesho y’indyarya:
Barya ingo z’abapfakazi, kandi bagakomeza kuvuga amasengesho y’urudaca baryarya. Abo bazacirwaho iteka rirusha ayandi kuba ribi.” (Mariko 12:40)

Hari Umubyeyi wamenye ko Umukobwa we afite Umu fiancée ajya Gusenga ngo batandukane/ Ibyo ngo bita Kubizirika ngo amuziza ko badahuje Ubwoko. Mbegaaaa gusengaa !!

Isengesho ryuzuje Ubuziranenge.

Isengesho ry’Umukiranutsi+Kwizera+Kwihangana.

Uburyo buboneye bwo Gusenga.
1.: GUSENGERA IMANA MU MWUKA NO MU KURI (Yohana. 4:23)
2.Gusenga k’Umukiranutsi.

Umusozo:
Dusenge dusaba Imana itwigishe Uburyo buboneye bwo kuyisenga bihesha Umugisha n’abandi.

Vedaste [email protected]