Ese uziko kubwa Kristo Yesu Imana yatanze ubuzima.

Iyo dusomye ijambo ry’Imana mu rwandiko Pawulo yandikiye Abefeso 2:1-3 niho dusanga amagambo agira ati “Namwe yarabazuye mwebwe abari bapfuye bazize ibicumuro n’ibyaha byanyu, ibyo mwagenderagamo kera mukurikiza imigenzo y’iyi si, mugakurikiza umwami utegeka ikirere ariwe mwuka ukorera mu batumvira. Kandi natwe twahoze muri bo dukurikiza ibyo kamere yacu yifuza, tugakora ibyo kamere n’imitima byacu byishakira kandi kubwa kavukire yacu twari abo kugirirwa umujinya nk’abandi bose”.

Iri jambo ryerekana neza ko hari ubuzima umwana w’umuntu yari abuze bivuye ku cyaha cyari cyamuhinduye nk’upfuye, nyamara nk’uko Mose yamanitse inzoka mu butayu abayirebaga ho bose bagakira ibisebe by’inzoka ( kubara 21:9) , ni ko Yesu umwana w’Imana yamanitswe ku musaraba kugirango umwizera wese abone guhabwa ubugingo buhoraho ( Yohana 3:14), bityo duhabwa ubuzima ndetse tuba bazima binyuze muri we.

Ibi kandi Bibiriya ibihamya neza aho igira iti “Ariko Imana kuko ari umutunzi w’imbabazi yaduhinduranye bazima na kristo ku bw’urukundo rwinshi yadukunze, ubwo twari dupfuye tuzize ibicumuro byacu ( ubuntu nibwo bwabakijije) nuko ituzurana nawe, itwicazanya nawe mu ijuru mu buryo bw’umwuka turi muri kristo Yesu,kugirango mu bihe bizaza izerekane ubutunzi bw’ubuntu bwayo buhebuje byose,itugirira neza muri kristo yesu . Mwakijijwe n’ubuntu kubwo kwizera, ntibyavuye no ku mirimo kugirango hatagira umuntu wirarira, kuko turi abo yaremye ituremeye imirimo myiza muri kristo Yesu , iyo Imana yiteguriye cyera kugirango tuyigenderemo (Abefeso 2:4-10).

Uyu Yesu utanga ubuzima niwe wahanuwe kuva ku muhanuzi yesaya ( yesaya 7:14-) ko azabyarya n’umwari Mariya kandi ko azitwa Emmanuel risobanura ngo Imana iri kumwe natwe (Matayo 1:23 ) kandi ahamirizwa ko Nta rindi zina twahawe ryo gukirizwamo ritari irye, ni nayo mpamvu byari bikwiye ko buri wese muri si amwemera akinjira muri we akagenga ubuzima bwe akamubera umurengezi we, kandi nk’uko yabyivugiye ngo dore mpagaze kurugi ndakomanga, umuntu niyumva ijwi ryanjye agakingura urugi nzinjira iwe dusangire ( ibyahishuwe 3:20).

Iyo ufite Yesu uba ufite byose, uba ufite ubuzima kandi Imana muba muri kumwe (Matayo 1:23 ), uyu munsi ndakwinginze ku bw’imbabazi z’Imana ngo ugire guhitamo kwiza, birashoboka ko wumva ubuzima ubayemo budafite icyerecyezo ndetse ukaba wibaza ku iherezo ryawe, ariko Yesu iyo umwakiriye aguhindura mushya ukaba nk’uvutse bushyashya nk’uko Yesu yabisobanuriye Nikodemu wo mu Bafarisayo wari umutware wo mu Bayuda ( Yohana 3:1-7), kandi amusobanurira neza ko nta wabona ubwami bw’Imana atabyawe ubwa kabiri. Nshuti mwene data Yesu ni byose ku umufite, nawe utari umufite cyangwa usubiye imyuma uyu munsi fata icyemezo wongere umuhe ikaze mu mutima wawe urabona ubuzima bwiza kuzageza iteka ryose, kandi humura nta teka uzacirwaho ( abaroma 8:1).