Ese kuba umukristo birashoboka? (igice cya 3) Pastor Desire

Yego kuba umukristo birashoboka cyane ariko hari amahame ugomba kubahiriza.

Yohana intumwa yabanye na Yesu mu nyigisho ze yagiye yihanangiriza abakristo kudakunda isi aho yagize ati:

Ntimugakunde iby’isi cyangwa ibiri mu isi. Umuntu nakunda iby’isi, gukunda Data wa twese ntikuba kuri muri we, kuko ikiri mu isi cyose ari irari ry’umubiri ari n’irari ry’amaso, cyangwa kwibona ku by’ubugingo bidaturuka kuri Data wa twese, ahubwo bituruka mu isi. Kandi isi irashirana no kwifuza kwayo, ariko ukora ibyo Imana ishaka azahoraho iteka ryose. 1 Yohana 2:15-17

Iyi mirongo irahagije ngo umukristo yumve ko imwe mumbogamizi zibuza kuba waba umukristo mwiza harimo gukunda isi. Mu banzi 3 dufite harimo Isi, Satani, Umubiri. Ikibabaje n’uko abarokore bizirika mu isi nkaho ariyo gakondo, Yohana atubwiyeko ikiri mu isi cyose ari irari ry’amaso kandi isi izashirana no kwifuza kwayo.

Mu buhamya dukomeje kumva mu ndirimbo y’i 108 umva uko uyu mukristo yavuze: Njye nd’umukristo nd’umwimukira ndakomeje murugendo rwanjye
Ibyino mwisi ndabihinyuye nsigaye nifuz’ ibyo mw’ijuru. Njye nd’umukristo gakondo yacu iri mwijuru kumana yacu.Ntanzar’ibayo ntanimituho abaho bose baguwe neza.

Ikibabaje kindi n’uko inyigisho zihari ubu inyinshi zikangurira abantu gukunda isi ku buryo amasengesho menshi abantu basenga sukugira ngo duhinduke abakristo beza ahubwo n’ukugira ngo tugire imigisha myinshi y’isi, kandi utabibona ukagirango ntabanye n’Imana neza.

Yesu yatanze igisubizo ko ubugingo bw’umuntu butava mu bwinshi bw’ibyo atunze bibaye aribyo abakire bakomeye bo mw’isi nibo bafata imyanya myiza mu ijuru. Ariko mu ijuru ntihazajyayo abakire cyangwa abakene ahubwo hazajyayo abakijijwe bakamenya igikorwa Yesu yakoze ku musalaba.

Iyo umuntu abaye umukire yubaha Imana iba yungutse umukozi izakoresha mu bwami bwayo kandi iyo ukize udakijijwe Satani agukoresha ibyo ubupfapfa. Na none ubaye umukene udakijijwe nabwo amaganya y’isi yatuma udatera intambwe.

Yesu yavuze ko azagaruka bamwe basinze amaganya y’isi, abandi baguye ivutu kubwo guhaga: kubwo ibyo tube maso hatazagira impamvu idusigaza.

Ntuzacikwe n’igice cya 4 gisoza..............................
Niba wifuza gusengerwa cyangwa kugisha inama, waduhamagara kuri +250788422984. Dusengera ibyifuzo by’abantu k’ubuntu. Sangiza ubu butumwa inshuti zawe.
Pastor Desire
www.agakiza.org
Fcbk: Agakiza.org
Chaine YouTube: Agakiza.org