Ese kuba umukristo birashoboka? (igice cya 1)

Iyo urebye ubuzima bw’ubukristo icyo busaba kugira ngo umuntu abe umukristo wa nyawe abenshi babona ari ikintu gisa nkaho kidashoboka kuko badashaka kwemera kwigomwa bimwe mu byabanezezaga ngo babe abakristo beza.

Yesu yatanze igisubizo gisobanutse neza ko kumukurikira ari ukwiyanga ukikorera umusalaba ukamukurikira buri munsi. Iyo bavuze kwiyanga ntibaba bavuze kwiyahura ahubwo ni ukwigomwa ibyari kunezeza kamere yawe kubw’impamvu zo kumenya Kristo.

Nubwo abantu benshi bemeza ko guhinduka ku ngeso bikomeye ariko dufite abahamya babashije gutsinda kamere (Abaheburayo 11) batanga ubuhamya bw’ibyo bihanganiye ukumva birashoboka guhinduka ukaba umukristo mwiza.

Umwe muri aba batanze ubuhamya yavuze ngo:Njye nd’umukristo: nzahora ndiwe mu bintu byose,ngeze kugupfa.

Njye nd’umukristo mpora mbihamya nahw’igihugu cyose cyanseka. Njye nd’umukristo wo mu mutima kuk’ubu nsigaye nkunda kristo. Icyatumy’apfa yazize njyewe nabuzwa n’iki kujya mukunda. Indirimbo 108 Igice cya 1

Iyo umuntu abirambyemo aho kukubwira intambwe amaze gutera mu guhinduka kuri kamere ahubwo akubwira imyaka amaze mu rusengero ariko njye ntekereza ko umunsi Yesu yaje atazatubaza imyaka cyangwa izina ry’itorero/idini wasengeragamo.

Mfasha dutekereze kuri ibi: Uri umukristo mu bintu byose ubwo bivuze bagukunda cyangwa bakwanga, ukize cyangwa ukennye, ubyaye cyangwa utabyaye, uri muzima cyangwa urwaye, ese ujya wibuka kubihamya ko uri umukristo? Niba ari yego mu mwaka uzana abantu bangahe kuri Kristo? Ese wasobanukiwe ko icyatumye apfa yaziraga wowe ukaba ufite inshingano yo kumukunda no kumukundisha abandi?

Ntuzacikwe n’igice cya 2..............................
Niba wifuza gusengerwa cyangwa kugisha inama, waduhamagara kuri +250788422984. Dusengera ibyifuzo by’abantu k’ubuntu. Sangiza ubu butumwa inshuti zawe.
Pastor Desire
www.agakiza.org
Fcbk: Agakiza.org
Chaine YouTube: Agakiza.org