Ese Imana igize icyo igusaba gukora mu bihe bikugoye wahitamo iki ?

Uko byagenda kose ku ntambwe Imana imaze kuguteza jya urushaho kuyegera, Ese nikubwira kuva kukazi kagufashaga kubaho, uzemera kuyizera ukareke? Uzashobora kwizera Imana no mu gihe ubabazwa n’imibereho ? Ese Imana nigusaba guta umuryango wawe nk’uko yabisabye Abulahamu uzabyemera ?

Birashoboka cyane kwemerera ubushake bw’Imana bugakorera muri wowe kuko benshi muri mwe mwamaze kubikora Imana ibibasabye kumpamvu zitandukanye. Iyo Imana igize icyo igusaba gukora uba ugomba kumenya: Amabwiriza uhawe n’Imana, Isezerano ryayo, n’intego zawe z’icyo ugiye gukora,bikaba ibintu ukwiye kubika mu mutima.

Ng’ibi ibintu 4 ukwiye kwibuka kugirango urusheho kwizera mu gihe udahise usobanukirwa ibyo Imana ikubwira.

Ha agaciro isoko y’ibyo wumva

Ijambo ry’Imana riravuga ngo “ Ndi Alpha na Omega, uwa mbere n’uwa nyuma . Itangiriro n’iherezo (Ibyahishuwe 22:13).

Ninde wundi wavuga ibyo atari Imana? Ntawe, ni Imana yonyine yo kuvuga ityo. Imana izi byose : Ibyahise, ibya none ndetse n’ibizaza. Ubwenge bwacu n’ibyiyumviro ntabwo byagereranywa n’iby’Imana. Kubw’ibyo rero mu gihe utiyumvisha neza ibyo Imana ikubwiye , jya utekereza neza Uwo ukwiye kwizera niba wakiyizera ukareka Imana.

Hano hari icyo dukwiye kuzirikana: Biroshye cyane kwibeshya ku muntu, Ducika intege vuba, ntidushobora gusohoza amasezerano twagiranye. Umuntu ashobora guha amabwiriza abandi we atashobora kandi yuzuyemo amafuti. Ariko ku Mana ho si uko biri , nta kintu na kimwe mubyo twavuze gishobora kuba ku Mana. Imana ibika isezerano ryayo, Imana itanga amabwiriza ashoboka kandi aboneye kuko Na yo iboneye nibyo ikora byose bikaba biboneye.

Nta kibazo na kimwe ku kuba udasobanukirwa kenshi n’iby’ Imana mu buzima ubayemo cyangwa se uko ubona bigukomereye, ntucike intege. Imana iri kumwe na we, iyaguhaye ubuzima, imenya iherezo mu ntangiriro, iya kumenye mbere yo kurema isi. Ubwo wakibaza ushobora kuba umubisha wawe ari inde cyangwa icyakurwanya uri kumwe n’Imana?. Imana ifite ibyo yaguteguriye utamenya byose.

Gira kwizera Imana

“Wiringire Uwiteka n’umutima wawe wose, we kwishingikiriza ku buhanga bwawe” (Imigani 3:5).

Iyo wizera Imana ukamaramaza, utangira kubona uburuhukiro muri Yo. Utangira kubona ko Imana ariyo ifite icyerekezo cy’ubuzima bwawe mu gihe wowe ntacyo ubona. N’ubundi kwizera Imana mu gihe uba ubona isi ukuzana mu gihirahiro bikwegereza guhitamo ibiva ku Mana aho guhitamo kuyoborwa n’intekerezo zawe.
Nk’abakirisito, tugomba gufata umwanzuro wo kwizera Imana tutitaye kubihe bigoyeby’ ubuzima duhagazemo. Kwizera Imana ntabwo bikubuza guhura n’Intambara ahubwo bikwegereza kuba mu bwiza bwayo, mu mugambi wayo , mu muyoboro wayo ndetse n’amasezerano yayo.

Nagushishikariza kudakomeza kwinaniza ubura ubitotsi, uhangayitse, ubabaye wuzuye umubabaro. Wishaka kumenya inzira z’Imana kuberako ntabwo byagushobokera kuzimenya no kuzisobanukirwa ! (Mbega uburyo ubutunzi n’ubwenge n’ubumenyi by’Imana bitagira akagero ! Imigambi yayo ntihishurika,n’inzira zayo ntizirondoreka. Abaroma 11:33)

Kumvira Imana

Bibiliya itubwirako kumvira biruta ibitambo niko Imana yatumye Samweli kuri Sawuli(1Samweli 15:22). Icyubahiro cy’Imana kigaragarira mu kuyubaha. Igusaba kubaha amabwiriza iguha kurusha kuyiha amaturo n’ibitambo.Hari imigisha ku muntu wubaha Imana kimwe nuko hari umuvumo kutayumvira.

Kwemera kuyoborwa n’Imana

Uwiteka yabwiye Abulahamu “kuva mu gihugu cy’iwabo, agasiga abavandimwe n’ababyeyi akajya mu gihugu Uwiteka azamwereka” (Itangiriro 12:1).
Imana yabwiye Aburahamu gusiga ikintu cyose yari azi, gusiga ikintu cyose yari amenyereye akajya aho atazi hari n’ibyo atamenyereye. Aburahamu ntabwo yari azi aho ajya uretse kumvira amabwiriza yahabwaga. Ntabwo yigeze amubaza aho kujya, icyo kurya no kunywa, yahisemo kwizera ibyo abwiwe yubaha Uwiteka. Nk’abakirisito dukwiye kwiga gukora nka Aburahamu.
“ Kwizera niko kwatumye na Sara abashishwa gusama inda nubwo yari acuze, kuko yategereje ko iyasezeranyije ari iyo kwizerwa. (Abaheburayo 11:8)

Mu buryo bwose twifuzako Imana yaduha “igihe cyose, uburyo rwose, aho ariho hose ” Ntabwo Imana yo ikora nk’uko tubishaka . Ahubwo Imana yo ishaka uko igushyira ahantu kuburyo uyizera noneho buhoro buhoro igenda iguha ikintu uko ugenda uyizera ukanayubaha.

Umuntu rero uri mu bihe adasobanukiwe akwiye ubwe kongera ibyiringiro akiga kugendera mu kwizera atari uko hari ibyo areba n’amaso, Ibyiringiro byiza bizanwa no kwizera Imana no mu gihe adasobanukiwe imigambi yayo ku buzima bwawe.
Uko ugenda ukura mu kwizera, Imana igenda iguha ihurizo nk’isuzumabushobozi ngo imenyeko umaze gushyika ku kigero igushakaho.

Source: http://2praisegod.com

Ismael [email protected]