Eliya na Elisa abahanuzi b’Uwiteka Bibiliya ibavugaho iki ?

Akenshi mu bantu bibaho kugira uwo wiyumvamo mukabana igihe kirekire nk’inshuti bitewe n’impamvu nyinshi tutarondora hano. Gusa nta muntu wabana n’undi abibonamo igihombo akenshi abateganya inyungu kabone nubwo zaba ari nkeya. Kuba hari icyo ushaka kugeraho ukiyambaza undi byerekanako nta muntu wihagije wenyine. Kubana neza ni umugambi w’Imana mu bantu.

Eliya na Elisa ni bantu ki ?

Eliya na Elisa bombi bari abahanuzi bakomeye. Izina Eliya risobanura ngo “ Imana ni umwami, cyangwa Umwami ukomeye” , Elisa risobanura ngo “ Agakiza k’Imana”. Eliya ni mwene Tishubi kandi yari n’umusuhuke w’ i Galeyadi
(1Abami 17:1). Elisa we ni mwene Shafati ahitwa Abeli Mehola mu majyepfo ya Isiraheli (1abami19:16)

Eliya yahanuye ku ngoma y’umwami Ahabu, Ahaziya na Yoramu, bayoboraga Isirayeli. Elisa nawe yahanuye ku ngoma ya Yoramu , Yehu, Yehowahazi na Yehowasi. Eliya yavugaga make cyane we yatambutsaga ubutumwa agahitako agenda vuba yihuse.(2Abami1:4).

Abami bose bari bamuzi kandi bamutinya .(2abami1:4,8). Yishe abahanuzi ba bali na ashera magana inani na mirongo itanu(850), ni ukuvuga magana ane na mirongo itanu(450) ba bali na magana ane(400) ba ashera. (1abami 17:40).

Ibi ni bimwe mu bitangaza Elisa yakoze:

•Yateje amapfa: Yakobo 5:17, 1Abami 17:1

•Yatuburiye umupfakazi amavuta: 1Abami 17:14

•Yazuye umwana wapfuye: 1Abami 17:22

•Yahamagaye umuriro utwika igitambo: 1Abami 18:38

•Yagaruye imvura: 1Abami 18:41

•Yahamagaye umuriro atwika abaje kumufata: 2Abami 1:10

•Yagabanyijemo amazi mo kabiri: 2Abami 2:8

Ibi ni bimwe mu bitangaza Elisa yakoze

•Yagabanyijemo Yorodani kabiri: 2Abami 2:14

•Yahumanuye amazi arura: 2Abami 2:21

•yavuma abahungu bahita baribwa n’idubu: 2Abami 2:24

•Yujuje ikibaya amazi : 2Abami 3:17

•Amazi y’ikibaya yahindutse amaraso: 2Abami 3:22

•Yujuje ibintu byose amavuta: 2Abami 4:4

•yabwiye umunemukazi ko azabakikiye umwana: 2Abami 4:16

•yazuye umwana wapfuye: 2Abami 4:34

•yakijije imboga uburozi: 2Abami 4:41

•yatubuye imitsima : 2Abami 4:43-44

•yakijije Namani ibibembe : 2Abami 5:15

•yateje Gihezi umugaragu we ibibembe: 2Abami 5:27

•Yarerembesheje intorezo : 2Abami 6:6

•yahishuye amabanga y’ingabo z’i Siriya: 2Abami 6:9

•yasabyeko umuntu ko ahumuka akabona amafarashi : 2Abami6:17

•yahumishije ingabo z’i Siriya : 2Abami 6:18

•Yahumuye amaso y’ingabo z’I Siriya : 2Abami 6:20

•yavuzeko inzara ishize:2Abami7:1

•yavuzeko umutware w’umwami azahita apfa: 2Abami7:2

•yavuzeko inzara izatera Imyaka irindwi : 2Abami8:1

•Yabwiye umwami Benehadadi ko azapfa: 2Abami8:10

.Umuntu yaguye ku magufwa ya Elisa arazuka: 2Abami 13:21

Elisa yari umuhanuzi ucishije make, ubwo shebuja Eliya yamujugunyiraga umwitero yahise amenya icyo gukora nta kindi ni ukurikira. Yahise akurikira Eliya kugeza umunsi yajyanwe ku igare ry’umuriro (1abami 19:19-20).

Eliya na Elisa ni abahanuzi twavugako bari abanyembaraga , bagiye bihanangiriza, bakanahana abami ba Isirayeli babahora ibyaha byabo. Eliya yari umuhanuzi w’intangarugero kuko ubwo Yesu yasengaga ku mususozi arabagirana yagaragaye avugana na Eliya na Mose (Luka 9:28-36).

Eliya na Elisa bambaraga impu z’ihene n’intama kimwe na Yohana umubatiza. (Abaheburayo 11:37). Eliya yagaburiwe n’igikona, umupfakazi na marayika mu bihe bikomeye by’akaga ubwo Yezebeli yashakaga kumwica ariko arabyihanganira.

Dukwiye gukurikira abantu bazadufasha kugera aho Imana ishaka ko tujya, kandi burya icyo umuntu atindanye nacyo barasa kubera kubana n’umuhanuzi w’Imana byatumye Elisa aba umuhanuzi kandi yarahamagawe ari umuhinzi uhingisha inka, binarangira akoze ibitangaza biruta ibya sebuja Eliya. (1abami 19:19-20).

SOURCE: https://bibleview.org
http://www.chabad.org

Ismael [email protected]