Dukeneye vino nshya n’imifuka mishya kugirango dushyike kubyasezeranyijwe

Ni mu gitaramo cyarikitabiriwe n’abantu batandukanye baturutse mu matorero ya Gikirisito hirya no hino muri Kigali ndetse no mu nkegero z’umujyi, cyabaye ku mugoroba w’iki cyumweru gishize taliki 26/11/2017 muri Kigali convetion center. Iki giterane cyateguwe n’abakunzi ba Agakiza.org, kiswe ubutumwa bukiza mu ntego ivuga iti “ vino nshya,umufuka mushya, igihe gishya” (Matayo 9:17)

Iri niryo jambo Ev. BARIHO Rambert nk’umwigisha wuwo munsi yaganirije abari mu giterane. “ Maze haza abigishwa ba Yohana baramubaza bati “ ni iki gituma twebwe n’abafarisayo twiyiriza kenshi, nyamara abigishwa bawe ntibiyirize ubusa? 15. Yesu arabasubiza ati “Abasangwa ntibabasha kugira agahinda bakiri kumwe n’umukwe ,ariko iminsi izaza ubwo umukwe azabavanwamo, nibwo baziyiriza ubusa. 16 “ntawutera ikiremo cy’igitambaro gishya ku mwenda ushaje kuko icyo kiremo cyaca umwenda, umwenge ukarushaho kuba mugari. 17 kandi ntawusuka vino y’umutobe mu mifuka y’impu ishaje, uwagira atyo iyo mifuka yaturika vino igasandara hasi imifuka ikononekara. Ahubwo vino y’umutobe isukwa mu mifuka mishya, byombi bikarama. (Matayo 9:14-17).

Yesu ni wawundi wavuye mu ijuru aje gushaka icyazimiye, asanga Matayo asoresha aramubwira ngo amukurikire, Matayo amukurikira ntiyita kukubanza gutanga raporo kubamukoresha. Yesu ntiyaje gushaka abazima ahubwo yaje aje gushaka abarwayi.

Mubibazo Yesu yahuye nabyo ibyinshi byaterwaga n’abanyedini kuko bababazwaga no kumubona arikumwe n’abanyabyaha ariko niyo yari intego ya Yesu. Nibwo baje kubaza Yesu impamvu bahora mu masengesho iminsi yose ariko abigishwa be bagahora barya. Yesu ababwirako baziyiriza gusa atazaba ari gahunda y’idini ahubwo azaba ari gahunda y’ijuru. Kuko batekerezagako aje kugendera kubisanzwe ndetse no kumihango y’idini, ntibamenyako aje gutangiza ubwami bushya.

Niko kubabwirako ntawafata ikintu kizima ugishyire mu kintu gishaje wizereko kizarama, ikibazo abo bigishwa bari bafite nicyo abantu bafite uyu munsi, kugendera kubishaje. Abantu mu nsengero bahawe urutonde rw’ibyo bagomba gukurikiza ngo nibabigeraho bazaba bakijijwe ariko ntabwo babwirwa uwo bagomba kwikomezaho kugirango babe bafite agakiza. Niyo mpamvu insengero zigwije imibare myinshi ariko ijuru ntiriyibone.

Ibi bituma abantu bibeshyako bakijijwe cyangwa se bari mu rwihisho rw’ukuri ariko agakiza kuzuye, ugafite aba ari mu rwihisho rw’Isumbabyose( Zaburi 91), iyo umuntu adakijijwe aba avuye munsi yo gutwikirwa n’Imana agiye munsi y’ubutware bwa satani kuko nawe agira ibisa nibitwikira abantu ariko biratobotse iyo imvura iguye baranyagirwa.

Yesu yaje azanye inkuru nziza aravuga ati “ Ntabwo nshakako satani abatwaza igitugu ahubwo nijye nzira ,ukuri n’ubugingo buhoraho. Uri mu butware bwa satani ntamenya ukuri kuko satani niwe se w’ibinyoma(iyo avuga ibinyoma aba avuga ururimi rwe rwa kavukire).

Yesu yazanye agakiza kazima ariyo vino nshya, kwakira ako gakiza si amagambo umuntu asubiramo. Agakiza ni umwambaro, umuntu ntakabona hashingiwe ku maturo na kimwe mu icumi atanga. Dukeneye vino nshya, tugahinduka kuko agakiza ni ukuzuka (Abefeso 2:1-4). Pawulo avugako yabambanywe na Kristo nyamara ariho, siwe uriho ahubwo ni Kristo ugendera muri we (Abagalatiya 2:20) ugomba kumenyako wapfuye ku cyaha, hanyuma Yesu akazukira muri wowe.

Umufuka mushya ni ukumenyako wapfuye kucyaha hanyuma ukirinda imigenzo idahinduka y’ idini rigenderamo, kuko Vino ishaje yitwa idini ntiyakugeza kuri Yesu. Dukeneye vino nshya n’imifuka mishya kugirango dushyike kubyasezeranyijwe.

Iki ni igiterane ngaruka mwaka kiba mu mpera z’u mwaka kugirango habeho gushima Imana, kikaba cyari kitabiriwe n’abakozi b’Imana harimo abaramyi batandukanye: Agakiza Worship Team, Pappy clever, Deo MUNYAKAZI, Alex DUSABE na Ev BARIHO Rambert.

(Abari bitabiriye igiterane bari banezerewe Inkuru mu mafoto)




Pastor Desire yakira abashyitsi





Umwigisha w’Ijambo ry’Imana Bariho Lambert

Pastor Severin

Umuyobozi wungirije wa SSHM

Pastor Desire yicaye yumva ijambo ry’ Imana
Worship team y’agakiza

Source: Igiterane Ubutumwa Bukiza

Ismael KAYISHEMA @ Agakiza.org