Dore impamvu dukwiye guhora twizeye kwakira ibyiza


Icyizere ni ikintu cy’ingenzi cyane kuko icyizere kirarema kandi ibyo twumvagako bidashoboka mu kwizera birashoboka.Abakristo,babayeho mu buzima twizeyeko Yesu azagaruka tukazajyana nawe kubana ubuziraherezo.

Nk’abantu b’Imana, icyizere cyacu gishingiye ku murimo wa Kristo yakoreye ku musaraba i Gologota, kuko Kristo yatsinze urupfu n’icyaha,kandi ko turi abana Imana ikunda.

Kumenyako Kristo yaturonkeye intsinzi birahagije guhora kwizeye ibyiza biturutse ku Mana. Niyo mpamvu dukwiye kurwanya ibintu byose byatuma tubura ibyiringiro bitewe n’ingorane zitandukanye,ubukene,ibintu bidukomereye kugeraho n’ibindi byatuma dutakariza Imana icizere.

Aha hari impamvu tugomba gukomeza kugira ibyiringiro ku Mana:

1.Imana ntizigera ihindura icyo yavuze

Bakristo, bibiliya itubwirako Imana ari iyo kwizerwa, ko itajya yivuguruza kubyo yavuze, icyo yavuze kiraba kandi ntidukwiye kubishidikanyaho.
“Imana si umuntu ngo ibeshye,kandi si umwana w’umuntu ngo yicuze,ibyo yavuze, no gukora ntizabikora?ibyavuye mu kanwa kayo,no gusohoza ntizabisohoza? (Kubara 23:19)

Abenshi muri twe batakariza icyizere abantu kuberako abantu akenshi badasohoza ibyo basezeranye. Abagore bamwe bashobora kwizera abagabo babo iyo ibyo babasezeranije babigezeho kandi n’abagabo niko bigenda ku bagore babo, abana na bo icyizere cyabo kiba ku babyeyi cyane cyane iyo babaha umwanya wo kuganira. Abakristo rero bakwiye kumenya ko abantu bashobora kwica isezerano ariko ku Mana ho ntibishoboka

2 Ikintu cyose kidakoranywe ukwizera ni icyaha

Bibiliya itubwirako ikintu cyose kidakoranwe ukwizera gihinduka icyaha. Ni yo mpamvu tugomba kwizera Imana n’ibyiza byayo izaduha ntagushidikanya.
“Ariko urya ashidikanya wese aba aciriweho iteka kuko atabiryanye kwizera, kandi igikorwa cyose kidakoranywe kwizera kiba ari icyaha.” Abaroma14:23

Niba tutizeye ikintu kivuye ku Mana na rimwe,tuba twerekanye ko atari iyo kwizerwa ,ko ntakintu cyiza gishobora kuyiturukaho. Byaba ari ukwibeshya cyane kuko Imana ihora ari nziza kandi dukwiye kwiga uko ukwizera kwacu kuba muri yo.

Bamwe muri twe batakariza Imana icyizere kubera kutabona ibisubizo basengeye, kubura ababo bakundaga bitabye Imana, nyuma y’amasengesho menshi basaba Imana, imishinga yabo itagezweho ariko bakibagirwako iyo bibagiwe cg barakariye ari Imana, ariyo isubiza igihe cyayo kigeze.

“Kandi dore n’inkuge nubwo zaba ari nini zite,zikagendeshwa n’umuyaga uhuha cyane,ingashya ntoya cyane ni yo izerekeza aho umwerekeza ashaka”.(Yakobo3:4).

3.Twakira ibyo dusabye Imana iyo tugize kwizera gusa


“Kwizera ni ukumenya rwose ibyiringirwa udashidikanya ko bitazaba,kandi niko kuduhamiriza ibyo tutareba ko ari iby’ukuri”.Abaheburayo11:1

Ntidushobora kubona ibyo twasabye Imana niba hatabayeho kwizera ko izabisohora. Ukwizera ni ikintu kitagaragara. Dukwiye guhora dufite ibyiringiro niba twifuza kwakira ibyo twasengeye.

Yesu yagize ati “Yesu arabasubiza ati “Ndababwira ukuri yuko mufite kwizera mudashidikanya, mutakora nk’iby’umutini gusa, ahubwo mwabwira n’uyu musozi muti ‘Shinguka utabwe mu nyanja’, byabaho. Kandi ibyo muzasaba mwizeye muzabihabwa byose”.(Matayo21:21-22)

Mu gihe ufitiye Imana icyizere, ukwiye gushima Imana buri gihe, kandi ugahora wizeyeko Imana isohoza ibyo yasezeranye. Imana itandukanye n’abantu uko byagenda kose kandi icy’ubahiro cyayo ntizagiha undi niko yirahiriye.

[email protected]