Byinshi utari uzi ku Mata

Iyi nyandiko iragufasha kumenya byinshi ku mata atangwa n’inka, muri ibyo harimo ibiyagize,umwihariko wayo, umumaro wayo ku buzima bw’ikiremwa muntu, icyo wakora niba uyanywa akagutera ibibazo bitandukanye.

Amata y’inka ni ikinyobwa kinyobwa n’abantu ndetse kikananyobwa n,inka zimaze igihe gito zivutse(imitavu) ziyafata kugirango zibone intungamubiri zitandukanye bityo zibashe gukura, naho ku bantu amata abafasha muri byinshi, nkuko turi bubigaragaze hasi, aho turi buvuge umumaro wo kunywa amata.

Dore intungamubiri ziboneka mu mata.

Amata akungahaye ku ntungamubiri zitandukanye,aho usanga mu kirahuri kimwe cy’amata, kiba kirimo kalori 42( 42 Calories),ibinyamavuta(fat), garama 8 z’inyubakamubiri(8g of protein), zifasha umubiri byinshi nko gukomeza amagufwa, imikaya n’ibindi.Amata kandi akungahaye kuri vitamine zitandukanye nka vitamine A,B ndetse na D, sibyo gusa kuko amata akungahaye ku myunyungugu itandukanye nka calicium,phosphorus, ndetse na potassium.

Mbese amata amarira iki uwayanyweye?

 Amata afasha mu gukomeza amenyo,imikaya ndetse n’amagufwa , abishobozwa nuko akungahaye ku munyungugu witwa calicium, ifasha cyane cyane mu kubungabunga ubuzima bw’amenyo n’amagufwa.Iyi calcium kandi inafasha mu kuzana vitamine D, mu maraso bityo umubiri, ukabona uko uyikoresha.
 Amata agabanya ndetse akaba yanakumira stress, abishobozwa nuko akungahaye kuri vitamine zitandukanye,zifasha mu kwirukana stress mu mubiri, ndetse no kuringaniza umuvuduko w’amaraso, ndetse no gufasha urwungano rw’imyakura gukora neza.
 Amata afasha mu kugabanya ibiro cyane cyane ku bagore, byagaragaye ko abagore banywa amata, umunsi ku munsi, bibafasha kugabanya ibiro ugereranije nabatayanywa.ariko biba byiza iyo unyweye ayo babanje gukuramo ibinure (low fat milk).
 Amata afasha mu kurinda no gukiza ikirungurira(Heartburn), amata abishobozwa nuko iyo ageze mu muhogo no mu gifu,agabanya acide( acid), kuko acide iyo yabaye nyinshi nibyo bitera ikirungurira, amata rero, agabanya acide.
 Afasha umubiri kugira ubuzima buzira umuze: abishobozwa nuko afasha mu kuringaniza umuvuduko w’amaraso, kugabanya acide(acid) mu mubiri, kugabanya ibyago byo kugira stroke, ndetse akanafasha umwijima kuringaniza ikorwa ry’urugimbu mu mubiri.
 Amata afasha amaso kugira ubuzima bwiza ndetse no kugabanya ibyago byo kugira ubuhumyi(blindness), abishobozwa nuko akungahaye kuri vitamine A na B.
 Amata afasha mu kugabanya ibyago byo kurwara kanseri zitandukanye.

ICYITONDERWA

Hari abantu bamwe banywa amata, akabagwa nabi, bakaba bafuruta, ndetse bakaba bagira n’ibindi bibazo bifata urwumgano ngogozi nko kugira iseseme, kuruka n’ibindi,kuri aba rero bashobora kuyavaho, bakaba bayasimbuza ibiyakomokaho, cyangwa se bakaba bareba abaganga bemewe bo mu buvuzi bwa kinyarwanda bakaba babafasha, bakabaha imiti.
Source: www.dairygood.org
[email protected]