Amagambo 4 Umwami Yesu yavuze ku isaha ya cyenda

Isaha ya cyenda ni isaha yarangije umubabaro ukabije w’Umwami wacu igatangiza umunezero wacu wuzuye! ni isaha y’urupfu rw’Umwami wacu rwaduhesheje ubugingo buhoraho.ni isaha y’umwijima w’icuraburindi yaduhesheje umucyo w’itangaza!

Amagambo 4 Yesu yavuze kuri iyi saha y’umubabaro ukabije

1. Eli,Eli,lama sabakitani? (Matayo 27:46)

Maze ku isaha ya cyenda,Yesu avuga ijwi rirenga ati " Eli,Eli,lama sabakitani?bisobanurwa ngo"Mana yanjye,Mana yanjye,ni iki kikundekesheje?"
Iyi saha ni ikimenyetso cy’urukundo rutangaje Data yadukunze bituma itera umwana wayo Yesu umugongo yemera ko apfa urupfu rubi kugirango twebwe ducungurwe!

2.Data,mu maboko yawe niho nshyize ubugingo bwanjye (Mariko 15:46)

Isaha y’igitambo cyaduhesheje ubugingo buhoraho!

3.Mfite inyota ,(Yohana 19:28)

kugirango ibyanditswe bisohore rwose,niko kuvuga ati"mfite inyota"
Inyota ya Yesu yahagije izindi nyota zacu zose,dusigara duhagijwe n’amazi y’ubugingo!

4.Birarangiye (Yohana 19:29-30)

Nuko benda sipongo yuzuye iyo vino isharira,bayishyira ku rubingo batayimusomesha.Yesu amaze gusoma iyo vino aravuga ati "Birarangiye"
Ibisharirira ubuzima bwacu Yesu yarabirangije!

Mwami Yesu turagushima

Wararenganye turarenganurwa, wacishijwe bugufi duhabwa agaciro,warababajwe turababarirwa,warashinyaguriwe turashimishwa,imyenda yawe yakoreweho ubufindo duhabwa umwambaro udacika(agakiza),warabambwe turabamburwa,witiranyijwe n’abajura duhabwa izina,watawe wenyine duhabwa inkomoko n’umuryango,wapfuye urupfu rubi duhabwa ubugingo.

Ku musaraba wawe banditseho ngo uri" Umwami w’abayuda ",twebwe ku mitima yacu handitseho ngo" uri umwami n’umukiza w’ubugingo bwacu"

Mugire Pasika

[email protected]