Agahinda ko mu buryo bw’Imana Adda Darlène Kiyange

Agahinda ko mu buryo bw’Imana gatera kwihana kuticuzwa, na ko kakazana agakiza, ariko agahinda ko mu buryo bw’isi gatera urupfu. 2Kor 7.10

Yesu yaravuze ngo "Murasaba ntimuhabwe kuko musaba nabi": ese wowe uhangayikishijwe n’iki? Ni iki kiguteye agahinda? Umuntu ajya agira agahinda, agasaba ibintu binyuranye na gahunda y’Imana: Yesu na we rimwe asengana umubabaro, yarigaruye agira ati "Data ntibibe uko nshaka, ahubwo bibe uko wowe ushaka."

Twizere Imana yacu kuko iturebera imbere, ikamenya ibitubereye byiza;
Petero yagize agahinda keza ararira cyane akimara kwihakana Yesu igihe yari agiye kwicwa;

Iyo umuntu yihannye, agomba kugira agahinda k’ibyaha yakoze, agahinda keza, hanyuma akava yo avuye yo; Wowe ni iki kiguteye agahinda?

Uwo musore yumvise iryo jambo, agenda afite agahinda kuko yari afite ubutunzi bwinshi (Mat 19.22); Burya nk’uko umubiri ari igitaka, ukururana n’isi cyane; urarikira cyane iby’isi kuko biruzuzanya: umubiri ujya ushaka gutegeka Umwuka ngo bajyane mu gahinda k’iby’isi, ariko ntukawemerere;

Ujye umenya gutandukanya ibintu: niba ibyifuzo ufite ari iby’umubiri cyangwa ari iby’Umwuka: amaganya ufite ni ay’iki?

Uyu muntu uzajya i Rusororo (mu gitaka), aragushuka ariko azasigara mu isi: banza ikibanza, inyongezo izaza nyuma;Ibi bintu turirira byo mu isi ni inyongezo. Uwiteka, duhe agahinda ko mu buryo bwawe