Abize n’abiga muri Lycee de Kicukiro APADE baritegura igitaramo kidasanzwe.

Kuri iki Cyumweru taliki ya 29/10/2017 guhera isaa 13h00, kuri ADEPR Kicukiro Shell hateganijwe igiterane kidasanzwe, cyateguwe na Group Abarinzi ku bufatanye n’abanyeshuri b’abakirisitu babarizwa mu ishuri ryisumbuye rya Lycee de Kicukiro APADE ndetse n’umudugudu wa Kicukiro Shell.

Group abarinzi, ni ihuriro ry’abantu b’ingeri zitandukanye bari hirya no hino mu Rwanda ndetse no mu bice bitandukanye by’isi bize muri Lycee de Kicukiro ndetse n’abakihiga, bahurira hamwe bagasangira ijambo ry’Imana ndetse n’indi mirimo itandukanye y’ivugabutumwa.


Group Abarinzi igizwe n’abarangije n’abiga muri Lycee Kicukiro

By’umwihariko ariko, Group Abarinzi ifasha mu mirimo itandukanye y’ivugabutumwa, amahugurwa ndetse n’inyigisho z’iyobokamana abanyeshuri biga muri iri shuri dore ko nabo ari abanyamuryango.

Batangiye umurimo w’Imana ari abantu abake bagenda biyongera baza kuba umuryango mugari, aho bamaze kugira itsinda rinini ry’abaririmbyi (Korari) ndetse n’abanyamuryango.

Abarinzi bamaze kwaguka ku buryo bakora ivugabutumwa mu matorero atandukanye hano mu gihugu, ndetse ivugabutumwa ryabo ryambukiranya imipaka y’u Rwanda mu bihugu by’abaturanyi, tutibagiwe n’abandi bakorera aho baba ku mpamvu zitandukanye hirya no hino ku yindi migabane nk’Uburayi, Aziya, Amerika n’ahandi.


Korari Abarinzi ibarizwa muri Group Abarinzi

Mu rwego rwo gusoza umwaka w’amashuri wa 2017 aba banyeshuri ku bufatanye n’ Abarinzi, bagiye gukora igiterane cyo gushima no kwiragiza Imana kizabera kuri ADEPR Kicukiro Shell ku cyumweru taliki ya 29/10/2017 guhera saa saba (13h00).

Iki gitaramo kizagaragaramo korari Abarinzi, Worship Team ya ADEPR Kicukiro Shell, Umuhanzi Goreti Mushimiyimana n’umuvugabutumwa Past. Emmanuel Uwambaje


Worship Team ya Kicukiro Shell izagaragara muri iki giterane


Umuhanzi Goreti Mushimiyimana nawe azafasha aba banyeshuri gusoza umwaka neza


Past. Emmanuel Uwambaje niwe uzavuga ijambo ry’Imana kuri uyu munsi

Iki giterane gifite intego iboneka mu ijambo ry’Imana,
Abefeso 3:20: "Shimwa Mana wowe ubasha gukora ibiruta cyane ibyo tugusaba."

MUHAWE IKAZE MWESE!!!!

Vedaste [email protected]