Abafite inyota y’ inzoga muze kuri Yesu niwe umara inyota!

Inzoga cyangwa ibisindisha, ni ibinyobwa bikunzwe na benshi muri iyi si yacu, bikaba kandi nk’uko bigaragara biza ku isonga mu guhuza abantu kuko binyobwa mu birori ,mu bukwe mu bitaramo n’ahandi ,ndetse hari n’abemeza ko zibaryohera. Ibi rero bikaba biri mu bitera urujijo abazinywa, bakibwira ko ahari kuzinywa nta cyaha kiri mo, ariko n’ubwo ari ko babibona, Ijambo ry’Imana ryo siko ribivuga kuko ryo ryemeza ko inzoga ari umuzi w’ibibi byose.

N’ubwo twabonye ko hari benshi bazikunze cyane Bibiliya ijambo ry’Imana ivuga ngo “Bazabona ishyano abigira intwari zo kunywa inzoga, bakagira imbaraga zo guturira ibisindisha ( yesaya 5:22) ”kandi ngo “ Bazabona ishyano abazindurwa no kuvumba ibisindisha, bakaba aribyo biririrwa, bakabirara inkera ,kuzeza aho bibahindura nk’abasazi (Yesaya 5:11)”. Aya ni amwe mu ijambo ry’Imana yerekana icyaha cyo kunywa inzoga muri rusange, hamwe n’ibihano byacyo.

Kubirebana n’ubwinshi bw’abanywi bazo rero byo, ni nacyo kibazo gikomeye na Yesu yagarutseho, ubwo yavugaga ngo inzira ijya mu ijuru ni inzira ifunganye kdi abayinyuramo ni bake, naho inzira ijya kurimbuka abayinyuramo ni benshi ( Matayo 7:13), ntibitangaje rero kubona ubwinshi bw’abakora ibyo Imana idashaka gusa Birababaje !!

Ushyize mu gaciro ukareba abo inzoga zimaze gukoraho no gukoresha amahano bakagombye kuba baraziretse, ariko kuko babikoreshya na satani w’umugome ntibazireka ,aha twatanga ingero:

  • Ninde ufite intonganya ? ufite inguma zitagra impamvu ?ninde wiganyira? ( Imigani23:29)
  • Ninde bafungiye gukora urugomo ? Ni nde bakuye mu modokaye yiguriye bakayipakira ayireba( Police).
  • Wari umugabo cyangwa umubyeyi wiyubashye none abana bawe bagusanze mu nzira winyariye n’ibindi biteye isoni
  • Ninde basambanyije atabiteguye? ni wowe !
  • Ninde watanze impano atatekereje ho? Ni wowe! nga ho inka n’ibindi utagira.
  • Ngaho baragusaba gusubira mo amagambo akomeye wavuze nyamara ntugishoboye kuyahagarika ! nta n’ubwo ubyibuka!! Yooo!!

Mwene data Imana y’amahoro yifuza ko ugira ubwenge ntushukwe na Vino kuko irakubaganisha (Imigani 20:1),ntugashukwe n’uko itukura igihe ibirira mu gikombe,ikamanuka neza,amaherezo iryana nk’inzoka ,igatema n’impiri( Imigani 23:31) .

Emerera Yesu yinjire mu mutima wawe , niwe soko Imara Inyota , kandi umwakiriye ntago yongera kurarikira inzoga, ntago agira inyota ukundi, agira amahoro abandi batabasha kubona, ahorana itoto, kdi utera imbere no mu buryo busanzwe, ikaze kwa yesu akumare inyota wibwiraga ko itashira.

Ernest Rutagungira